Apri il menu principale
Els larischs de Lontsch

../12 ../14 IncludiIntestazione 1 ottobre 2015 25% Da definire

12 14

Els larischs de Lontsch.

Els larischs de Lontsch in' uriala trer flad,
Guder leu l' umbriva in bi di de stad,
Mirar en la bassa, mirar sils glatschers:
Amitg, lein dumbrar quei tiels megliers plaschers!
5 Ils larischs sur Vazerol sco en canzun
Raquentan en l' aria dals fatgs dil Grischun,
Da ligias fundadas leu sut tschiel aviert,
Dal batten de saung, ch' ellas han retschiert.
Surmir e Sursaissa sesarvan als égls,
10 Leu l' Albula, Giulia, vegnan en segls
Giu dallas fontaunas cuvretgas en glatsch
E van raschunond da Casti lu a bratsch.
Herox sco gigants, ils massivs montagnards,
Sesaulzan el cor dil Grischun, sin las varts,
15 Dalunsch de mirar sco rempars e castials,
Che mo in grond Diu sa scaffir aschi bials.
Uauls e cultiras, bials vitgs ed ucclauns
Naven dals muletgs tochen giu en ils plauns:
In mund per sesez e ded agien lungatg,
20 In pievel aunc liber e ferm sin siu fatg.
En quella tiaretta ruaussan satrai
Tonts mellis babuns, culs vivents aunc ligiai;
Il spért dils Fontanas, en veta e mort
Pertgiran la patria e sia sort . . .
25 Il zenn neu da Lontsch fa saver il miezdi,
Ils frars els clutgers sin ils aults en rudi
Rispundan da lur vart, da Stierva, da Mons;
Sil prau l' oraziun di il pur culs affons . . .
Da tonta bellezia surprius, muentaus,
30 Sursaissa romontscha, jeu sun consolaus;
Trals larischs jeu mon vinavon sil stradun
Da cor gratulond al pievel grischun.