Memoria della muria

../11 ../13 IncludiIntestazione 1 ottobre 2015 25% Da definire

11 13

Memoria della muria.

<poem> Dal temps della muria gronda Perdetga dat aunc en carner La crusch tagliada d' ina plonta, Salvada si sper il clutger. 5 La mort terribla visitava Las casas tuttas dils vischins; La pestilenza serasava E surpassava tuts confins. In suenter l' auter en vischnaunca 10 Dal mal vegneva infectaus, La mort tschappava ina braunca Da cheu, da leu giud ers e praus. Afunds en stiva e sin combra Malsauns schemevan sin murir, 15 Sentend en membra gia falombra Il tissi nausch, che fa pirir. Surtratgs da biergnas e pial nera, Schaschevan biars tut bandunai; Il zenn de miert damaun e sera 20 Bargeva per ils sventirai. Bia fossas frestgas en senteri Fagevan als vivents snavur; Tgi sa far fin a tal marteri E metter tiarms a la sgarschur? . . 25 Ils sogns en tschiel derar bandunan Sin tiar' ils paupers concarstgauns; Perquei ils zenns ensemen sunan Clamond tier Diu ils vivs e sauns. El tempel stat la crusch pinada: 30 Dus bratschs de lenn din frestg pigniel; Il bien plevon la crusch alzada Uss tegn urond encunter tschiel. E tras il vitg la redunonza Va culla crusch en processiun; 35 La crusch, la megliera speronza, Als trests dat aunc consolaziun. Ord casas aultas, bassas miran, Cun mauns a Diu ils moribunds . . . E per lur cars, che tont endiran, 40 Van tschels urond, cun schems profunds. Sil crest sul vitg stat la caplutta Dil bien gidonter, sogn Bistgaun; La crusch s' avonza silla mutta, Il til va suenter plaun a plaun. 45 Tier Diu e tier ils sogns leu ura Puspei il pievel castigiau, E fa il vut de cun premura Untgir las vias dil puccau. — E seretratg' ei la muria, 50 Che veva fatg schi grond sterment, E mess en mort ed agonia La mesadat dil vitg flurent. Dil temps della muria gronda Perdetga dat aunc en carner 55 La crusch tagliada d' ina plonta, Salvada si sper il clutger.