Poesias (Camathias)/11
 |
Questo testo è incompleto. | |
| ◄ | 10 | 12 | ► |
L' alp devastada.
(Nach Igl Ischi, S. 21, 1912.) <poem> Da Flem vi on Glaruna Per senda franca buna Sul quolm ins sa passar. Dals aults si Segnes sura 5 Tiels plauns giusut ramura 'Gl ual en siu curdar. En temps antics fretgeivels Els aults ch' ein uss sgarscheivels, Flureva l' alp pli bein; 10 Il tschespet lu tonscheva Entochen sum e deva In' jarva sco in fein. El plaun si Segnes sura Catschava la verdura 15 En in stupent muletg; Dadens la tegia stevan Las vaccas e schischevan La notg sco en in létg. En tegia manischava 20 In giuven e caschava Cul latg de bia curtès. Mo mintgaton el mava Sin porta e mirava Engiu viers ils mises. 25 Cun gargiament spitgava Il giuven silla sava Viseta si dal vitg: La matta curaschusa, Ch' er' ussa sia spusa, 30 Ch' el vev' en senn daditg. Il mat, signun, che mira, In di sin la pastira, La catt' el ad agur: Ell' ei pilver sin via 35 E vegn plein allegria Spel dutg, che fa ramur. Il cor dil giuven batta, El less a sia matta La megliera via far: 40 Buatscha, lozza rara, Duei a sia cara Ils peis ca tschuffergniar. Mirei, o tgei premura, Ord il tschaler leu sura 45 El port' ad in portar: Magnuccas el rabetscha E tschenta tut en retscha Per biala senda far. Sin tala sort sulada 50 La spusa fa l' entrada Senz' en il tschuff passar: De tala curtesia Si d' alp en cascharia, Tgi vess astgau siemiar? 55 Dell' alp delicatessa Il mat a la princessa Sedrova de survir; En tegia grond' uriala Signun e sia biala 60 Pon raschunar e rir. Encunter sera lura, Ord stavel dil plaun sura La matta po turnar — Ed era quella gada 65 Vegn ella compignada Senz' en il tschuff passar. Las pezzas „siat dunschalas“, Vieifer sillas sialas Carezia pon cuir: 70 Ventira dulscha nescha, In paradis flurescha Aunc cheu sil grep, il dir. — El vitg leu giu avdava, Luvrava e spargnava 75 La mumma dil signun. In di vul la paupretta Sin l' alp ir sin viseta, Schigiar penn e tschagrun. En tegia sil plaun sura 80 Siu mat ual lavura, Dat duas ga cuagl: La mumma vegn sil stavel, Il fegl di: „Port' il giavel, Si cheu sto quei benagl!“ 85 Tiegl esch va la dunnetta; Tgei vesa la paupretta? Cul moni scua en maun, Siu agen fegl smanatscha E malperdert renfatscha: 90 „Tgei vul puspei il tgaun?“ La mumma sesnuescha, Sevolva, supplichescha: Il fegl vegn mo pli nauschs. E lu curclond la fatscha, 95 Bargend va la pupratscha Dal stavel ô cun stauschs. Las pezzas sevilentan, Fontaunas seresentan, Cascadas fan ramur; 100 Il crap de Flem engira De far a la planira Vendetga de sgarschur. Aunc lezza stad currenta Cun nibels sestgirenta 105 Il tschiel entuorn entuorn: Ei tuna e camegia, Ch' ei strembla tut en tegia, Malaura fa de stuorn. Bognada dalla dracca 110 La bova sedistacca Leu si sisum il pass: Il dies dil quolm seslucca, Sefenda e ballucca, Sederscha cun fracass, 115 Cuviera la pastira, Muletg e muladira, Ch' igl ei ina sgarschur: Satraus ei il plaun sura, Svanida en malura 120 Ei l' alp pli baul en flur . . . Atras quella contrada Uss plira la cascada Cun lamenteivel sun: Mai pli ei revegnida 125 Quell' alp, ch' ei smaledida, Per quolpa dil signun. <poem>