Poesias (A.T. Tuor)/13
 |
Questo testo è incompleto. | |
| ◄ | 12 | 14 | ► |
La cicada.
Plaunsiu las steilas sesenvidan,
E tut il mund surpren la sien;
En siemis ils utschals cupidan
E laian gnanc udir in tien.
5 Cicada, pintga sunadura,
Ch' eis sezuppada dent' il fein,
Co sunas ussa cun premura
Cun tuns carins schi fin e bein!
Las steilas has ti per cazola,
10 Las notas sunas mai falliu;
Ti futra, di a mi, tgei scola
Da giuvna has pli bauld gudiu?
Eis schi manedla, schi bufatga
Cun sempel habit tgietschen - ner,
15 E vivas, sunas schi retratga
Ch' ins po tei mo de rar veser.
Sch' jeu steunchels mavel per las sendas,
Savens in mied has intonau,
E tias soras sin las tendas
20 Han pruamein tei compignau.
O suna vinavont cicada,
Solaz ti portas al carstgaun;
Sas per pagaglia la rugada
Tut frestga beiber la damaun.