Poesias (A.T. Tuor)/12
 |
Questo testo è incompleto. | |
| ◄ | 11 | 13 | ► |
Il lac alpin.
Sigl ault dil quolm sut ina bleissa
Schai sco sepiars in lac carin,
Ch' ei circumdaus da greppa teissa
Cun ur de tschespet verd alpin.
5 El ina larma d' esser para
Che dagutond vegn dals glitschèrs;
Sil funs resplenda l' aua clara
Vadrèts e gondas e multèrs.
Gl' ei sco sche vegls accords tunassen,
10 Cu l' aua schèma, tilla flad,
E sco sch' ils suffels scutinassen
Cun vuschs ord la profunditat.
Las undas il laghet bandunan
Encunter sera ni damaun,
15 Secund sc' ls fleivels vents talunan
Stuschond sin in ni lauter maun.
Las crestas - tgiet, ch' ils urs orneschan
En l' unda bognan las ragischs;
E denteren en paisch avdeschan
20 Las muntanialas e pernischs.
Savens pussond hai sin la riva
Cul lac de bass disquors menau,
E cun in sitg ded aua viva
La seit hai tontas ga dustau.