Or dal cor la cumpagnia
 |
Questo testo è completo, ma ancora da rileggere. | |
| ◄ | Üna cuorta chanzunetta | Sü, sü, o Svizers e Grischuns! | ► |
Questo testo fa parte della raccolta Rätoromanische chrestomathie
Volkslieder 
di Autori vari (1908)
148.
Partenza d' ün spus da sia amanta.
(Annalas VI, Derin, p. 41/42.)
Or dal cor la cumpagnia
Vegn pel mond pelegrinond
Ma qua reist’a mai fadia
Cun tristeza vegn scrivond.
5 Hoz m’ais arivà ’na charta
Quella es scritta da Paris
E Napoliun am scriva
Cha duman n’ha da partir.
La mia spada n’ha giüzada
10 Sün duman per la purtar
E la tschinta es preparada
Sün meis döss per la tschantar.
Duas pistolas sun chargiadas
Sün daman per las sbarar,
15 Per far plaschair a mia armada
Ed a l’otra contristar.
Servitur va tü in prescha
E preparam il chavà,
Perchè eu jarà a manvagl
20 Cur salvainta il sulai.
Eu sa bain cha mia partenza
A qualchün displascharà
Schi nun es üna schi es l’otra
Chi per mai fich cridará.
25 Char marus perchè am laschast
Üna grazia rov a tai
Pos’ün ura in mia bratscha
Fin chi leva il sulai.
Gnissast a murir in guerra
30 Schi chi gniss am cufortar?
Infin tant ch’eu sun sün terra
Tai non vegn a invlüdar.
Eu at rov o chara mia
Tü per mai non plondscher plü,
35 Quia nun jüda malinconia
Uschè voul il punt d’onur.
Mia armada ais sün la plaza
Et ais temp bod da partir
Quia non jüda sponder larmas
40 Largia ’l frain e lascham ir.
Sainta co cha ’ls tamburs battan
E la musica va avant
E l’armada ais sün la plaza
Chi s’avanza plü inavant.
45 Sainta co cha’ ls chanuns sbavan
Qua ’s avanza l’inimih,
La battaglia es già tachada
Et eu sun a saimper qui.
Quai ch’eu ’t rov o char’amia
50 Tü per mai dessast urar
Forsa Dieu a tota via
Vain teis plonts a cusidrar.
Vezast pür cha ’l di svanescha
Il sulai vain a partir
55 E tü quia sü am tegnast
Largia ’l frain e lascham ir.
Già la saira es arivada
Et es temp gnü da partir
La schüra not oss’am surprenda
60 Al viadi sto am render
Va in teis let a reposar!