Sü, sü, o Svizers e Grischuns!
 |
Questo testo è completo, ma ancora da rileggere. | |
| ◄ | Or dal cor la cumpagnia | Si legramen schuldause | ► |
Questo testo fa parte della raccolta Rätoromanische chrestomathie
Volkslieder 
di Autori vari (1908)
149.
Chansun davart la libertad.
(Annalas VI, Derin, p. 35— 37.)
Sü, sü, o Svizers e Grischuns!
Sü tots da cumpagnia!
Chantain üna nova chanzun
Al Segner sün quist di.
5 Sü o dileta juventüm!
Sü tots in cumpagnia!
Chantain üna nova chanzun
A Dieu per sa jüstia.
Hoz vains no bain l’ocasiun
10 Uschè d’ans alegrar,
Siglir d’algrezia e’ ns tegner buns
Per nossa libertad.
Avant traischient anns passads
Nos babuns chars stovettan
15 Per aquistar lur libertad
Sponder sang e combatter.
Ma nus per causa nos puchads
Et grondas ingüstias
La libertad vains inbürgià
20 O led e magunia!
Nel an setschient e novantot
Per causa nos puchads
Ha Dieu vuglü nos char pajais
Cun guerra circondar.
25 Ach, che trais anns cha quels sun stats!
Usche dals passantar,
Ingün podeiva plü il siou
Dafatta cumandar.
Qua vainsa viss eir inimihs
30 Et eir alchüns tirans
Chi ’ns han laschats inminchadi
O led, dolur e plonts!
Mo ’l Segner Dieu omnipotaint
Da nus slaschet gnir pchà,
35 E uossa chara libertad
Ha darche turnantà.
Dimena chars predicaturs
Il nom da Dieu ludai
Cha sainza temma dels mondans
40 Seis pled predgiar podai.
Rovai dimena al S. Spiert
Quel as vögla mossar
Cha vo possat predgiar indret
A l’Evangeli char.
45 Sü o marits et eir muglèrs
Cun ils vos chars infants
Chantai d’algrezia e triunf
E siat recognoschaints.
Sü verginas eir con dalet
50 A Dieu dessat lodar
Servì al segner cun cor s-chet …
Per nossa libertad.
Chantain bels psalms et eir canzuns
A Dieu per celebrar,
55 Sigli d’algrezia et ’s tgnai buns
Las vuschs fat strasunar.
Exaudans Dieu omnipotaint
Per amur da Jesus Christ,
Stans pro o Dieu omnipotaint
60 O tü Salvader jüst.
Nun ’s chastiar o Segnar char
Ans vöglast perdunar
E nossa chara libertad
Davent plü non piglar.
65 Ach Segner lascha splendurir
Tia fatscha sur da nus
Et eir ans vöglast benedir
O Segner grazius.
No tai rovain Salvader char
70 Per amur d’ tia paschiun
Tü ma da no nun at retrar
Mo dans tot il perdun.
Piglia sü nos ingraziamaints
Cha no at podains dar
75 Tü sast cha no perfetamaing
Indret nun podain far.
A tai sia lod ed ingraziamaint
O Crist nos redentur
A tai bap, figl e Sonch Spiert
80 Chantain gloria et onur!