Üna cuorta chanzunetta
 |
Questo testo è completo, ma ancora da rileggere. | |
| ◄ | Ils peschs aint in l'aua san saimper noudar | Or dal cor la cumpagnia | ► |
Questo testo fa parte della raccolta Rätoromanische chrestomathie
Volkslieder 
di Autori vari (1908)
147.
(Annalas VI, Derin, p. 40.)
Üna cuorta chanzunetta
Vainta quia fat our
Incunter als Franzès
Cha possan pür craper
5 La repüblic.
Ils Franzès sum darcheu
Gnis gio per Engiadina
Rivats sum üna not
Han gieu da sfurcler brav
10 O bain chi dan!
Crajeivan da claper
Als Salis in la Punt
Ma els s’han bain falos
Quels quatter Scravunos
15 Viv’il Davos!
Els sum its inavaunt
Rivos infina Schianf
Lo per ir a durmir
Crajand dad esser sgürs
20 Dals Salis.
Ils Salis sum jous sü
Ai gio pels munts da Zuoz
In terma da duas uras
Han clapò ils Franzès
25 Tuots preschuners.
Lutinent Albertini
Cun sia bella maniera
Ho cumandò ils Franzès,
L’ho clapò preschuners
30 Viv’Albertin!
L’es jeu da stüv aint
Cun sieu chapè i maun
Ils ho chatos allò
Chi eiran bè alvos
35 Chi ’s treivan aint.
L’ho giavüscho il bum di
Cun sia bella maniera
L’ho dumandò ils Franzès
Cha’ s rendan preschuners
40 Eir tuot subit.
Els sun reistos fich smorts
Sum squasi crudos gio
Ma co non ha gieu nom
Els han stovieu partir
45 Eir tuot subit.
Ils Salis sum retrats
Ingio infin a Gratz
Causa chia ’l regiment
Veiva da gnir disfat
50 Del Salis.
Schi nun füss sto per que
Nun giaivna bricha ingio
Quels quatter scravunos
Vessan tgnü inavos
55 Be sco ün spass!
Viva l’Albertini!