Opere minori (Ariosto)/Poesie latine/Liber secundus/Carmen VI
 |
Questo testo è stato riletto e controllato. | |
Ludovico Ariosto - Opere minori (1857)
Carmen VI
| ◄ | Liber secundus - Carmen V | Liber secundus - Carmen VII | ► |
VI.
DE GLYCERE, ET LYCORI.
An Glyceren pluris faciam, plurisne Lycorin,
Si, Cherinte, scio dicere, dispeream.
Moribus hæc atque hæc placet, et placet utraque cultu;
Parque illis lepor est, gratia, parque venus.
Hanc amo, depereo illam: quin amo, depereoque
Utramque, et rursus utraque vita mihi.
Quæres fortassis qui possim? Nescio: tantum
Novi ego, quod geminas ardeo, amo, pereo.