Il Vangelo di S. Matteo volgarizzato in dialetto milanese/Capp XXIII
 |
Questo testo è completo. | |
| ◄ | Capp XXII | Capp XXIV | ► |
CAPP XXIII.
2 Disend: Su la cattedra de Mosè s’è settaa giò i Scriba, e i Farisee.
3 Donca tutt quell, che ve disaran, tegnill a ment e fell: ma fee minga quell, che fan lor: perché lor disen, e fan nò.
4 Perchè tran insemma di pes tropp grev, che se po minga portà, e i metten in spalla ai omen: veuren nanca toccaj cont on did.
5 Fan pœu tutt quell, che fan, per vess guardaa di omen: perchè lor slarghen i sœu filer, e porten la franza pussee longa.
6 E ghe pias i primm post a tavola, e i primm cardegh in di sinagogh,
7 E gh’han smania de vess saludaa in piazza, e de vess ciamaa Maester de la gent.
8. Ma vialter cerchee minga de vess ciamaa Maester: perchè el voster Maester l’è vun soll, e vialter sii tucc fradej.
9 E ciamee nissun voster pader a sto mond: perchè l’unich voster Pader l’è quell, ch’è in ciel.
10 Nè cerchee de vess ciamaa Maester: perchè l’unich voster Maester l’è Crist.
11 Quell, ch’è pussee tra de vialter, l’è voster servitor.
12 E quell, che se portarà su de per lu, el sarà traa giò: e quell, che se sbasserà, el sarà portaa pussee.
13 Ma guaj a vialter, ipocrita de Scriba e Farisee: perchè saree in faccia ai omen el paradis. Perchè nè ghe andee dent vialter, nè ghe lassee andà chi è adree per andagh.
14 Guaj a vialter, Scriba e Farisee ipocrita: perchè mangee fœura i cà di vedov, barbottand tanti orazion: per quest sarii giudicaa pussee seriament.
15 Guaj a vialter, ipocrita de Scriba e Farisee: per che giree per mar e per terra, per fà on proselit: e ona volta che l’hii faa, el fee deventà demoni el doppi de vialter.
16 Guaj a vialter, capitani orb, che disii: Che l’è nagott, che vun l’abbia giuraa per la gesa: ma che se l’ha giuraa per l’or de la gesa, el resta obbligaa.
17 Stupid, e orb: perchè, cosse l’è, che santifica pussee, lor, o la gesa?
18 E chisessia avarà giuraa a nomm de l’altar, l’è nagott: ma quell, che avarà giuraa per l’offerta, che gh’è su su l’altar, quell l’è debitor.
19 Orb: perchè, cosse l’è, che santifica pussee, l’of ferta, o l’altar?
20 Donca chi giura per l’altar, giura per lu, e per tutt i robb, che gh’è su.
21 E chisessia giura per la gesa, giura per lee, e per chi ghe sta dent.
22 E chi giura per el trono del ciel, giura per el trono del Signor, e per chi ghe se setta su.
23 Guaj a vialter, ipocrita de Scriba e Farisee: che paghee la decima de la menta, e de l’aneto, e del comino, e avii trascuraa el capp principal de la legg, la giustizia, la misericordia, e la fed. Sti robb l’era necessari de faj; quij alter eren minga de lassà de part.
24 Capitani orb, che scumee fœura on moschin, e mandee giò on cammell.
25 Guaj a vialter, Scriba e Farisee ipocrit, perchè lavee de fœura biccer e piatt: e de denter sii pien de por carij, e de ladrarij.
26 Farisee orb, lava prima el de dent del biccer e del tond, perchè inscì deventaran nett anca de fœura.
27 Guaj a vialter, ipocrita de Scriba e Farisee: per chè sii istess come i sepolcher sbiancaa, che de fœura paren bej a la gent, ma de denter hin pien de oss de mort, e d’ogni porcaria.
28 Istess anca vialter de fœura parii bon a la gent: ma de denter sii pien d’impostura e de cattiveria.
29 Guaj a vialter, ipocrita de Scriba e Farisee, che fabbrichee i sepolcher ai profetta, e fee deventà bej i monument di bon,
30 E disii: Se ghe fussem staa nun al temp di noster vecc, saravem minga staa colpevoj anca nun cont lor del sangu di noster profetta.
31 Insci provee contra vialter istess, che sii fiœu de quij, che ha mazzaa i profetta.
32 Mettii pur el colmor a la misura di voster pader.
33 Serpent razza de viper, come farii vialter a scampà de la condanna de l’inferno?
34 Per quest, ecco che mi vem andi di profetta, di sapient, e di Scriba, e de quist ne mazzarii, ne mettarii in cros, e ne battarii in di voster sinagogh, e i perseguitarii de cittaa in cittaa:
35 Per fà, che borla sora vialter tutt el sangu giust spantegaa su la terra, cominciand del sangu del bon Abell finna a quell de Zaccaria fieu de Barachia, che vialter avii mazzaa tra la gesa e l’altar.
36 In veritaa mì ve disi, che tutt quest l’andarà adoss a sta generazion chi.
37 O Gerusalemm, Gerusalemm, che te mazzet i pro fetta, che te lapidet quij, che te ven mandaa, quanti vœult hoo tentaa de tirà arent i tò fiœu, come la gaijnna, che tira i scœu poresitt sott ai al, e ti te voruu nò?
38 Ecco che ve sarà bandonnaa la cà vœuja.
39 Perchè mì ve disi: Da chì innanz me vedarii pu, fin a tant che no disarii: Sia benedett quell, che ven in nomm del Signor.