Pagina:Antonio Picozzi - Il Vangelo di S. Matteo volgarizzato in dialetto milanese.djvu/109

Questa pagina è stata trascritta e formattata, ma deve essere riletta.

CAPP XXIV.

95

fetta, che te lapidet quij, che te ven mandaa, quanti vœult hoo tentaa de tirà arent i tò fiœu, come la gaijnna, che tira i scœu poresitt sott ai al, e ti te voruu nò?

³⁸ Ecco che ve sarà bandonnaa la cà vœuja.

³⁹ Perchè mì ve disi: Da chì innanz me vedarii pu, fin a tant che no disarii: Sia benedett quell, che ven in nomm del Signor.

CAPP XXIV.

E

GESÙ quand l’è staa fœura de gesa, l’andava. E ghe s’è vesinnaa i sò scolar, per fagh vedé i fabbrich de la gesa.

² Ma lu per risposta el gh’ ha ditt: Vedii vialter tutt sti robb? In veritaa mi ve disi, che ha minga de restà preja sora preja senza vess trada per aria.

³ E intant che l’era settaa giò sul mont Olivett, ghe s’è portaa vesin i sò scolar de noscondon, e gh’ han ditt: Dimm a nun, quand l’è, che succedarà sti robb? e qual è el segn de quand ti t’hee de vegni a la fin del mond?

⁴ E Gesù per risposta el gh’a ditt: Guardee, che quajchedun no ve inganna.

⁵ Perchè tanti vegnaran a mé nomm, disend: Mì sont el Crist: e ingannaran tanta gent.