Il Vangelo di S. Matteo volgarizzato in dialetto bergamasco/Capo XXIII
 |
Questo testo è completo. | |
| ◄ | Capo XXII | Capo XXIV | ► |
Capo XXIII.
2 Disendoghe: I Scribi, e i Farisei a is’è sentac zo sö la catedra de Mosè.
3 Töt quel, che lur doca a i ve dirà, obediga e fèl: mano stėmiga a fà quel, che i fa lur: perchè lur a i dis, ma no i fa miga.
4 Perchè a i fa sö di möc de solc, e i a met sö i spale ai omegn: ma per lur tant no i völ möei gna per i dit.
5 I fa po töc i sò laur per es ves’c dai omegn: perchè a i porta i coreze piö larghe, e i franze de la esta piö longhe.
6 E i desidera i prim pos’c a taola, e i prime scagne in de la sinagoga,
7 E de es saludac in piasa,e che la zet la i ciame maes’c.
8 Ma oter no stè a ölì es ciamac maes’c: perchè a le ü sul ol vost Maest, e voter a si töc fradei.
9 Nè stè ciamà vergü pader a sto mond: perchè l’önech vost Pader a l’è quel, che’l sta in paradis.
10 Nè stè a lasaf ciamà maes’c: che l’önech Maest l'è Crest. 11 Quel, che tra de oter al sarà magiur, al sarà vost servitur.
12 E chi al se sgunfiarà, al sarà ümiliat: e chi al se ümiliarà, al sarà esaltat.
13 Ma poerec voter, o Scribi e Farisei impostur: che seré in del müso ai omegn ol regno del siel. Perchè nè a ghe ’ndari oter, nè lasari, ch’i ghe aghe quei, che i è lé per indaga.
14 Poarec voter, o Scribi e Farisei impostur: che a majé i cà di edoe, cola scusa de fà di orasiù longhe: per quest a sari giudicac con piö rigur.
15 Poarec voter, o Scribi e Farisei impostur: che corì per mar e per tera, per converti ön om, e convertit che ’l sees, al fé deentà fiöl de l’inferen al dope de oter.
16 Poarec voter, guide orbe, che disì: Che ü l’abe zürat per ol tempio, a no l’è negota: ma se l’à zürat per i solc del tempio, a l’è obligat.
17 Fatöi, e orb: Perchè, cos’èl de piö, l’or, o ’l tempio, che ’l fa deentà sant ol or?
18 E quel, che l’ia zürat per l’altar, no l’è miga obligat: ma quel, che l’avrà zürat per l’elemosina, che l’é sura l’altar, al resta obligat.
19 Orb: Perchè, cosa a l’èl de piö, l’elemosina, o l’altar, che ’l santifica l’elemosina?
20 Quei doca, ch’i züra per l’altar, a i züra per quest, e per töt quel, che gh’è sura.
21 E chiunque sees, che ’l züra per ol tempio, al züra per questo, e per colü, che ’l ghe sta de cà.
22 E chi ’l züra per ol siel, al züra per ol trono del Siur, e per colü, che ’l ghe sta sentat sura.
23 Poarec doca voter, o Scribi e Farisei impostur: che paghé la desima de la menta, de l’anet, e del comi, intat che trascüré ol piö esensial de la lege, la giöstesia, e la misericordia, e la fede. Ques’ce a i è i laur, che bisognaa fà, sensa lasà föra quele otre.
24 O guide orbe, che culé föra ü mösì, e mandé zo ü camel.
25 Poarec voter, o Scribi e Farisei impostur, perchè laé zo ol bicer de föra e ol tond: e de det po a sì pié de ladrarea, e de sporcherea.
26 O Fariseo orb, laa zo prima ol bicer de det e ol tond, perchè a ’ ol de föra al deente net.
27 Poarec voter, o Scribi e Farisei impostur: perchè à si compagn di sepoltüre sbiancade zo, che de fora a i par bele a la zet, ma det’a i è pié de os demorc, e de töte i sporcheree.
28 Icsé oter de föra a pari bu a la zet: ma de det a sì pié de impostüra e de catieria.
29 Poarec voter, Scribi e Farisei impostur, che fa briché sö di sepoltüre ai profeti, e fé deentà bei i monümenc di bu,
30 E disi: Se ’m födes stac noter ai tep di nos’c vec, am saref miga stac colpeoi insem’a lur de i copat i profeti.
31 Icsé in vost dan proé de per voter stes, che si fiöi de colur, ch’i à copat i profeti.
32 Impieni pör sö ol ster di os’c vec.
33 Serpenc rasa de ipere, come a v salvarif da l’es. condanac a l’inferen?
34 Per quest vedì, che mé v mande di profeti, di sapienc, e di Scribi, e de ques’ce an copari, an meterì in crus, e an bastunarì in di oste sinagoghe, e i perseguitari da sità in sità:
35 Perché sura de oter l’abie de borlà töt ol sangh di bu spandit sö la tera, dal sangh de Abele inosent fina a quel de Zacarea fiöl de Barachea, che oter a i copat in mez fra ol tempio e l’altar.
36 Mé v dighe del de bù, che töt quest al vegnirà sura de sta generasiù ché.
37 O Gerüsalem, Gerüsalem, che ť é copat i profeti, e t' é masat: a sasade quei, ch’i è mandac de té, e quate ölte mé è ölit regondi i tò fiöi, com’a la fa la closa, che la regond i sò polzì sota i sò ale, e no t'è öli tmiga?
38 Eco che la osta cà la v sarà lasada deserta.
39 Perchè mé ve dighe: Da ché inac no m ’ vederà piö, fina che no diri: Al sees benedet colü, che’l vé in nom del Siur.