Dils uaults a tschitgias en quels
 |
Questo testo è completo, ma ancora da rileggere. | |
| ◄ | Reglas de polizia d'Uors | Il Cudisch da Priedis | ► |
Questo testo fa parte della raccolta Rätoromanische chrestomathie
DILS UAULTS A TSCHITGIAS EN QUELS.
| [f. 57] | Dils Uaults a Tschitgias en quels. |
(Ineditum nach Ms. UW.)
1. Elg uault d’ilg Urscheu ei sco da velg, dilg duitg oradim la Paleu scura si ancunter la Fanteuna da Zingiuns, da couanen deig esser serau dilg tut, a da quei duitg auor, antroca ilg fistaig sper la Fanteuna dadens ilg Pleun ’lg Urscheu si ancunter ilg cantun dilg Radun deig restar tiers diever da Culm, a da quei fistaig anor eis schau larg da talgiar suenter plascher, ad eis fixau tgi ca surpassas quei per toc. k. 40.
2. Dilg meun d’ella Runca eis anflau per bien della Larga anen serrar si dilg tut, a dador deig restar sco da velg, dilg truitg ansi, per tschitgia da l’alp sut peina k. 40 per plonta. Dilg truitg angiu eis uault larg.
3. Ilg Arsitsch, della via a grippa ansi deig esser tschitgia da culm, della grippa angiu aber deig esser tschitgia serrada, sut peina k. 40. 4. La runca da Ladral deig per uon esser tschitgia da culm, ad elg avangir, dar or sorts.
[p. 58] 5. Uault dars, dilg ual d’la Farnata anor antroca ilg ual d’ils Magailgs a Fanteuna freida sut la seif d’ils Garsens, deig esser tschitgia serrada, a da quei anor antroca la spunda della Ngeida a da leu ansi antroca ils Garsens, deig esser tiers diever da culm sut peina k. 40. La Ngeida ven dau or sorts. 6. Sut Canischeuna deig esser tschitgia serrada, sut k. 40.
7. Sin ils Garsens deig esser sco da velg antroca ilg duitg da Paleu scüra tiers Diever da culm; da leu aneu tiers diever da l’alp sco er en l’alp dadens tiers seu diever, sut kr. 40.
8. La tschitgia gronda da Scuein eis anflau per bien, quei sut via sisur Scuein, laschar larg mai tiers diever da clauder ad ilg reminent, essend ca ei sacatta inna tschitgia zund custeivla, eis anflau per bien da mintgia dus ons far ilg Anloben da buc tuccar cun sagir a reisgia quella tschitgia sut ploing d’ilg Sechelmeister. Er deig nagin puder far da antginna sort starnim cou, sut peina d’in cruschun.
9. Pertenend la tschitgia da l’Isla, per la Pun, deig esser sco da velg, dilg fistaig dilg Ficler anen antroca ilg fistaig della pun, ad ansi antroca ils [p. 59] nas ner la grippa deig esser tiers diever vid la pun ad aschia tschitgia serrada, ilg reminend uault liber sut peina f. 2. 30.
10. Ilg uault da Pardealla eis schau sco da velg, entadim Pardealla antroca la vall dador la casa da vbl. Luzi deig esser lubieu da talgiar; leu navend antroca ilg truitg da cauras, sco lgez fistaig dat si, deig esser tschitgia per la pun, sut peina f. 2. 30.
11. Dilg truitg da cauras anor antroca la runca da Mistr. Baltisar, ad ansi antroca ilg fistaig, ca va dilg Gurdanè or deig esser tschitgia; da leu danor antroca la vall eis lubeu da pinar, — a della vall antroca ilg fistaig d’ilg Michael Cadonau deig esser serrau, a da quel anor antroca oradim eis lubeu da pinar sut f. 2. 30. Clasira resalvont en la tschitgia da Scuein a da las alps, eis partut lubeu.
12. Ei deig er esser scumondau da far scorzas dellas alp a las serradas a da culm, oreifer en la vall della tschitgia da Scuein, sut peina kr. 40 per toc.
Sanctzionau dilg Vaschinadi ils 29 Juni 1823.