Alchünas Rimas Romaunschas/Plaunt sur l'Italia
 |
Questo testo è stato riletto e controllato. | |
| ◄ | Reflessiun sü 'ls moarts | La prümavaira | ► |
Plaunt sur l'Italia.
(Our dal Italiaun del Felicaja.)
Italia, Italia, tia soart ais steda tela
Cha infelizis duns d'bellezza 't sun concours,
Funesta doatta d'infinits doluors;
Cun döli portast tü fortüna mela.
5Pür füssast tü pü ferma, o almain pü trida
Per cha da pü at tmess'ün, o almain
Amur non vess per te chi d'tia bellezza plain
Squasi's alguainta, et a moart at sfida!
Cha gio dals munts non vzess eau grand marmaglia
10Armed'a gnir, ne da saung tinta
Bavess l'uonda del Po la gallica muagla,
Ne eau at vzess con speda estra tschinta
Batter cu'l bratsch da quel chi at arsagla
Per viver saimper o vandschedr' o vinta.
Quaunt inavaunt cha quistas traduziuns hegian esaurieu l'imaint dels originels, lasch sura ad' oters da güdicher. Eau non he miss grand stüdi landervi e völg cotres unicamaing dir cha 'ls romaunschs paun:
„Ler, et zuond bain incler
Sco eir in rimas translater.“
