Ad eira üna vouta ün bandirel
 |
Questo testo è completo, ma ancora da rileggere. | |
| ◄ | Ed eiran trais sudats | Ad eir' üna vouta ün chalderer | ► |
Questo testo fa parte della raccolta Rätoromanische chrestomathie
Volkslieder 
di Autori vari (1908)
115.
a.
(Romanische Studien I, Flugi, p. 317.)
Ad eira üna vouta ün bandirel,
Chi giaiva tschartchand da ’s marider.
Ma nul eira be sulett,
Cha ’l vaiva auncha set cun el.
5 Co rivettane a Cuoira
In quella gran bella cited.
El guardet sün ün balcum
E vzet la figlia d’ün barum.
„Al bundi, Schura regina!
10 Voul ella gnir a tramelg?
A tramelg da pardunaunza;
Cha vegn eir ils giums da Frauntscha.“
„Dumandarò a mas sett dunzellas
Scha sum eir cuntauntas ellas.“—
15 La pü veglia la scusgliaiva,
La pü giuvna la cusgliaiva.
E co getla a tramelg,
La fet suter il bandirel.
Iminchia pass cha la matta daiva
20 Il bandirel la dumandaiva.
Aunz cha la trasçha füt glivreda
Eira la matta marideda.
El la det set cient araunschs,
E sett bels anels in daint.
25 „Que ais bain ün pitschen dum
Per la figlia d’ün barum.“—
E ’l bandirel s’ho affruntô,
Ed ho piglio fich mel i ’l chô.
E la regina ais turneda
30 Tuot in prescha par sa streda.
Ed ho quintô a sas donzellas
Co chi ais passo cun ella.
b.
(Annalas XIV, Vital, p. 274/5.)
Ad eira ün giuven bandirel,
Chi volaiv’as marider.
El get fin our a Coira,
Spassegiand per la citted.
5 El guardet sün ün balcun,
Vzet la figlia d’ün barun.
Reverida, barunessa,
Reveri, signur barun.
Eau volaiva l’invider
10 Quaista saira a baller.
La barunessa get a tramegl
E sotet cul bandirel.
Cur la prüma füt glivreda
Füt la giuvna dumandeda.
15 Cur la seguonda füt glivreda,
Füt la giuvna impromissa.
Cur la terza füt glivreda,
Füt la giuvna inrügleda.
Ella get oura per suler,
20 Terdschand las larmas cul squassel.
Ella get fin our sün porta
E sieu bap la dschet melscorta.