Una chanzun in quaist momaint
 |
Questo testo è completo, ma ancora da rileggere. | |
| ◄ | La malondraivla glieut da Tschlin | O che grand plaunt, cordoeli taunt | ► |
Questo testo fa parte della raccolta Rätoromanische chrestomathie
Volkslieder 
di Autori vari (1908)
166.
(Annalas XII, Vital, p. 306/7).
Una chanzun in quaist momaint
Am vain a me avaunt,
Chi podess gnir chanteda
Da tuot quista brajeda,
5 Ch’avains noss cours containts.
Nus intuorn la taglioula giains
Liangias per zapper;
Ma ’vains eir buna spraunza
E sün quella vivainsa
10 De las podair sager.
Il prüm volains nus cumanzer
Qualchos’a discurir
Qui da nossa Duonna Anna,
Chi vo via alla lamma
15 Liangias con lier.
Qualchosa dschains traunter da nus
Eir da Duonna Anna Dusch,
Chi ais infatschendeda
Cun tuot quista brajeda;
20 Quel co vzains bain er nus.
A Giunfra Mengia, chi sto co
Be a ’ns guarder süls mauns,
Volains nus giavüscher
Da ’s volver e lascher,
25 Cha vezzans sias arains
Giunfra Nuttina Barbla co
Lai serius’as fo
Be per melanconia,
Cha non la dun la sia;
30 Ma uossa sun eau co.
Maister Gudains savains eir nus
Co ch’el ais serius;
Pero in compagnias
Disch eir el las sias,
35 Pustüt cur l’ais cun nus.
Oivè, oivè, che cha vez cò
Güst uoss’a capiter:
Nossa Giunfra Sandrina
Con sa cuorta chammina
40 Vain a ’ns güder zapper.
Ma uossa gni pür qui nò tuots,
Cha stögl as requinter:
Ingrazchain tuots perüna
A Dieu cò con Chatrina
45 Chi l’ho glivro dad ingrascher.
Perche avair da cuorrer cò
Da s-chela sü e gio
Con quella chamma noscha,
Que ais ’na povra chosa;
50 Mo uoss’ho ’la glivro.
Ün tschert poet avains eir cò,
Chi uossa vain almain;
Perche per grand fadia
Il palat secha via,
55 Da baiver scha nu’ l daun.