Ta-pù, lu trumbone d'accumpagnamente/Ta-pù, la còppele
 |
Questo testo è completo. | |
| ◄ | Ta-pù, lu trumbone d'accumpagnamente | Ta-pù, la patria | ► |
I
Dope c’avè’ risposte malamente
a Cole di lu Re, lu capebande,
lu mastre mi chiamà: — Tu ogni tande,
4mi fece — ariduvìnte strafuttente.
Te l’àjje ditte, ca chï fa lu cande
nen è gni vu’, gnì tutte l’atra ggente.
È n’âtra cose, e l’accumpagnamente
8me la da’ rispettà’. Quest’è la bbande!
— Va be’ — ja rispunnive — Sissignore:
ma une che da dentr’a ’stu mmuttelle,
11suffienne ’nche la vucche e ’nche lu core,
ci-arrive a caccià’ fore na pulchètte,
mi crede i’, signure mastre bbelle,
14ca mèrete pur’isse lu rispette!
II
— Pecchè, chï tà mancàte di rispette?
— ma rispunnì — t’àjje mannat’a ddire
di farme la cumparse, pe’ piacìre,
18ca amanche ddu’ clarine: Pallambette
se n’à scappate, ’Ntonie sta a lu lette.
Stem’a na piazza nove, a le frastìre
pe’ ne’ je fa’ vedè’ ca s’à ristrette
22la bbande, àjje penzate a ’stu raggire:
pe’ ogge tu mi sune lu clarine.
— I’ facce queste?... Cicche?... lu trumbone?!...
25Prime trumbone d’accumpagnamente,
mo vaje a ffa’ lu l’ûteme clarine?
Ma vu’ nen cunuscete le persune!
28I’ facce queste?... Cicche di Sbrascente?...
III
— Pe’ Criste! — mi rifece. — Mi vi’ ’ppresse
da quìnece vint’anne, sci sturdìte
ca ne’ vu’ sunà’ cchiú sempre lu stesse
32strumente! E mo sci ti ripenetìte?
— Ma i’ vulè sunà?! — Quante sci fesse!
Cicche — mi disse — e tu che sci capite?
Ca chï va ’n prima file a panza ‘scite,
36’nche nu clarìne ’mmucche, e che s’à messe
la còppela ’ncantàte, tutte sone?
E tu scì l’ome che se na rintenne?
39Ce ne sta quacchedune che va bbone,
ce ne sta quacche âtre menesguàle,
ma po’... lu reste, se le vi’ vedenne,
42chï sci e chï no ci-arrive a ffà la scale.
IV
— Signure mastre bbelle, ’ssi raggire
i’ ne’ le facce, sone lu trumbune
e nen mi lagne. Ci sta quacchedune
46che mi cunusce ’mmezze a ’ssì frastire...
Vide se le pu’ dire a n’âvetr’une.
— N’àvetre? — fece — E a chi le vàjje a ddire?
Già! ca si trove a tutte le pentùne
50chi pu’ fa’ la cumparse a na maniìre...
che sacce!... ’Nche na certa ’ndifferenze.
Mi sirve tu, ci serve nu bandiste
53che te’ la’ ncurnature, la presenze,
une che le sa fa’. Chi sone, sone.
Lu difficile è quande nu bbandiste
56nen sone e... immèce à da’ parè’ ca sone. —
V
E dàjje e dàjje, tu che vu’? lu bbelle,
che gnà si dice, piace a tutte quente;
trent’anne sempre ’n facce a ’stu mmuttelle,
60pinzìve: mo le facce ’stu ’spremente.
N’ si tratte de na bbotte di curtelle.
Va bbone, e... ca dapò va mmalamente,
chi mi cunusce? — Damme ’ssu ciufelle
64— facive — ca te vùjje fa’ cuntente. —
Mi ci serucchìve ’nche na pusitùre...
Cumpà’ Gennà’, n’ se n’accurgì nisciune!
67’Nnanze, a la prima file, a parte fore,
mi facive tenè’ la partiture!!...
Ma chi le sa che forse quacchedune
70nen mi scagnàve pe’ nu prufessore!
VI
Ma la tastìre ere na rruvine!
Mi ci ’mbrujàve... pecchè a lu trumbune
ci sta’ tre taste sule e stà’ vicine:
74’nche cinque dete, nunche gna le sune,
ci-abbaste e avanze... Immèce a lu clarine
è n’âtra cose: ce ne sta’ vintune!
Ma pu’, nu ’ntrecce. na confusïune...
78Smuvè’ nu taste accante a lu bucchine,
se ne richiudè’ une a ppìde ’n tutte.
’Ndruncàve sopre, e chelu bbettunelle
81smuvè’ tre quattre taste a parte sutte...
Che strumente!... Ti pozza noma ’mbenne!
E sol’allore, Ggennarine bbelle,
84capive lu clarine che vu’ ntenne!
VII
Dope’ ddu’ marce e quattre cinque gire,
passave pe’ nu vecchie sunature:
gna se la crede a leste lu frastire!
88Ma tu li si’ ca ci credè i’ pure?
Baste! La sere, dope la carrìre,
jemme a le pizze. Cumenzà Preture.
Cumpaà’ Gennà, i’ ne’ l’avessa dire:
92fece nu Rigulette... na pitture!
Venne lu turne nostre. La matine,
’nche lu surtegge, a nu’ ci-avè’ tuccate
95lu mèjje poste, ’nnanze a la Casine.
Tutte la ggente j’avè’ ’tturnïate,
finestre e balecùne, pïne pïne
98Mettemme lu cartelle: Travïate.
VIII
I’ me ne stave arrète, a nu pentùne,
zitte e cujète, Nen sapè’ nïente
s’avè’ da risunà’ ’nche lu trumbune...
102Lu mastre s’addunà de la ffaccente,
venne e mi fece: — Tu stasere sune
pure ’nche quesse, nen cagnà’ strumente.
E pe’ nen fà malepenzà’ la ggente.
106mitte vicine a Minche lu Sbruffune,
che fà da prime... Ma, pe’ San Gennare,
nen te scurdà’ ca sune lu clarine!
109T’avissa fa’ passà? pe’ le cervelle
di mèttet’a zuffià’ dentr’a s’affare?
Ca pu’ cascà’ lu pezze... è na rrùvine!
112Cicche, e ’sta ggente cacce lu curtelle!
IX
— Che c’entre, ’gnore mastre, lu curtelle!
— Ja rispunnive — so’ na crïature? —
Ma po’ ci-a ripinzive: Che ci-appure
116gnà va le cose? Tenghe nu cervelle
che va ’mprucissïùne pe’ nature...
Sciùreme mi dicè’: «Nipùte bbelle,
a mòjja nove e a nase di vitelle,
120capezza corte e stretta frusciatùre...»
M’avessa ricurdà’ ’stu sante Rocche!?
Chi te cunusce? Vùjje sta’ sicure!
123Pijve nu strussèlle di marròcche,
ce le ’nturtìve dentre ’nche nu pìre
che, se ci ìve ’nche nu suffiatùre,
126cumpà’, nen ci passave lu respìre,
X
Pijèmme poste, cumenzà lu sone.
La ’ntroduzione ’scì na cosa fine!
Ma a lu finale, a ddove le clarine
130à da cagnà’ cinque se’ vôte tone,
Minche, nen sacce se ne’ stave bbone
o se je ’ntrà quaccose a lu bbucchìne,
’mmèce di caccià’ fore na coròne,
134cumenz’a scaccarà’ gnì na gallìne...
e si fermà! Fu cose di mumente.
Lu clarine di spalle, Sculatùre,
137cercà... fece di tutte pe’ risìste’:
ma troppe tarde!... L’accumpagnamente
pirdì lu tempe, lu maèstre pure,
140casche lu pezze e... statte bbone a Criste!
XI
Lu màstre s’avvirdì pe’ la fihùre!
Tu ci schirze, Gennà’?, Nu cristïane
’mbrùbbica piazze, che te’ strette ’mmane
144da ricìve’ l’applàves’e le fiure,
e che si vede scuncertà’ lu piane
pe’ la fetècchie di nu sunature!?
I’ n’affilàve cchiù pe la paùre!
148Penzave: a ècche na riscème sane!
Quande di bbotte, gni na schiuppettàte,
mi sente nu cazzotte a na ganasse.
151Mi vôte e vede Minche scalmanàte
che strillenne mi fà: — Bestie, assassine!
che scì sunate a ffà?!... Me la pijàsse
154’nche chi t’à messe ’mmane ’ssu clarìne... —
XII
Vulè’ rispunne: — «Piane, scì sbajate!»
ma chi pòse parlà? Tutte la ggente
mi si frungà gni l’àneme dannate.
158Chi mi si vulè’ tòjje lu strumente!...
Male parole! Strille! Spentunate!
Cazzutte!... «Dàjje a Cicche di Sbrascente!...»
Se vedive la piazze, a nu mumente
162parè’ la cambre de le debbutate!
E quille m’accidè! Mo fusse morte
se nen currè’ ddu’ guardie e n’assessòre
165svelte, che mi ficcà dentr’a la porte
di na putèche. E allòche mi salvìve,
chiuse a lucchette gni nu malfattore!
168Lu clarine però ne’ le lassìve!
XIII
Ma quande mi truvìve gni nu cane
sole arinchiuse, mentre alloche fore
la ggente seguetave a ffà’ bbaccane,
172mi sintìve nu grìccel’a lu core!
Tu vidi che destine ruffïane!
Dope che une à fatte nu favòre,
sa da’ vedè’ cagnà’ le carte ’mmane
176e, pe’ di cchiù, mazzate e dissunore...
Ma i’, pe’ Ccriste, vùjje la raggiune!
Vulè’ strillà’ pe’ ddire: «So’ ’nnucente.
179vùjje parlà’ ’nche Minche lu Sbruffune,
aprète ca so’ Cicche di Sbrascènte,
scarpare e sunature di trumbune,
182prime trumbune d’accumpagnamente!»
XIV
Quande, da ppart’arrète, a n’âtra porte,
mi vede ’ntrà’ lu mastre ’mbestialìte.
— Cicche — mi fece — te l’àj’avvertìte,
186te l’àje ditte: abbàde, statt’accorte!
E tu, brihante!... — Quest’è lu cunforte?
— ja rispunnive — Vìdele gni jte!...
Vìde chi ha raggiòne e chï ha torte!
190To’... Suffie, sune, famme nu spartìte... —
Lu mastre pijà ’mmane lu clarine,
ci suffià dentre, ci fiecà nu dete,
193la rimittì ’nfacci’a la lampadine,
e po’ mi disse: — Stèmece cujète...
Arrisce fore e n’ se ne parle cchiù:
196è state Minche ma... scì state tu!... —