Ta-pù, lu trumbone d'accumpagnamente/Brìndise
 |
Questo testo è completo. | |
| ◄ | 'N punte di morte | Lu testamente di zi' Carminucce | ► |
I
Se vvù sentì’ le mèstre de la scòle
t’abbòtte di paràbbel’e cunzìje.
Cumènze: lu cervèlle de lu fije
4ca sta furmate gni nu girasòle...
T’allente na ’ncrullate di parole
frastìre: l’attavisme, la famìje...
Tatòne immèce, senza i’ a la scòle,
8dicè’: «fije di hatte sorge pije»
e si spicciave ’nche ’ste ddù’ versitte.
Madonna me’, ma se ti vûte tunne
11le vide; ma ci vu’ lu libbre scritte
ca la ciuvette nen fa lu cardille?
Si sa, si vede da che munn’è munne,
14ca lu ciràsce fa lu cirascille.
II
Perciò chi te’ lu sangue malamente
si pô cagnà’ la sciasse, lu cappelle,
ma lu core, cumpà è sempre quelle!
18Mo tu le si’: i’ ggire, vede e sente
e ne cunosce!... Ci sta certa ggente
che mentre t’accarezze, a lu cchiù bbelle
l’ugne j’ariduvente scarapelle
22e... ràsciche! Ma nu’, pe’ la sumente,
nu’ jame sempre ’nnante gni na spose!
E a st’abruzzise, genta paisàne,
25je pô mancà’, che sacce..., chela cose,
gna t’àjja dire?... La ’mbratanatùre!
Ma te’ nu core, che ’mmezz’a lu pane
28le pu’ magnà’ ca nen ci stà misture!
III
E mi piace, cumpà’, stu sentimente:
scià benedette Ddì’ che ce l’à date!
Se vvì a ’ste case nustre, appena ’ntrate,
32chi prime ti pô fa’ nu cumplimente.
Sùbbete vine cotte, cunzervate,
vecchie, nove, raspante, tralucente,
le nuce, lu taralle a foche lente,
36la pizzellucce, la liva curàte...
Tu ci ti sinte a ricrïà’ lu core!
Dice: ma tu vi’ ’ppresse a ’ste sciucchezze?
39Gnarnò, n’si guarde mai lu valore,
scia ’ccise cinque lire!... Ma te jùve
chela crïanze, chela gentilezze
42che a n’âtra parte tu nen ci le truve.
IV
Sême fatte accuscì, care cumpare,
che fà ca nen ci sta tanta quatrine?
Lu bagne, o te le fì’ ’mmezz’a lu mare
46o pure te le fì dentr’a la tine,
quande sti’ tutte ’mbusse, a pare a pare,
che fà che a mezze palme da la schîne
ci sta la tine e nen ci sta lu mare?
50Sême fatte accuscì, ’nche tre carrìne
nu’ sême ricche, sême miliunerie.
Ci-avaste nu caròfene scarlate
53pe’ farïe scurdà’ ogne miserie,
la vucc’a rrise di na giuvinette,
nu litre, quattr’amice e na cantate
56’nche n’accumpagnamente d’urganette!
V
E mitt’a bbeve’, ca’ stu munn’è bbelle,
e chi ne le capisce è n’animale!
Jamme, cumpà’, và a rrìmpie’ ’ssu vicàle...
60— Lu vicàle? Mu pìje lu vascelle!
Sole na cose: ca ti pô fa’ male!...
— Eh! l’ùcchie mï sta’ ffa’ cinciacappelle,
ma nen m’importe: schiatte la cicale?
64Schiatte pur’i’! Ci cride? Immèce quelle
te’ cchiù salute dope c’à cantate...
Perciò vevème, ca chi te’ ’stu core
67n’c’è case ca te fa na birbantate.
A ddò’ passème nu’ scappe lu piante,
a ddo’ passème nu’ si fa l’amore,
70a ddo’ passème nu’, passe lu cante!