Stupefat reist eu aquia
 |
Questo testo è completo, ma ancora da rileggere. | |
| ◄ | Laschai clingir chant e magöl | Stupefat reist eu aquia (2) | ► |
Questo testo fa parte della raccolta Rätoromanische chrestomathie
Volkslieder 
di Autori vari (1908)
156.
Chanzun nova cuntra la generala superbia, chi as manifesta in grond’abundanza nel preschaint.
As po chantar nella melodia: „L’otra saira bacharia“.
(Annalas VI, Derin, p. 64 — 67.)
Stupefat reist eu aquia
L’ cuors del mond considerand
In che esser ch’el es gieu
Vegn adüna meditond.
5 Veziond quantas müdedas
Da nos antenats innò,
Chi in quel sun gnidas dedas
Sco que’ clêr tuot vair as po.
L’hümmiltad quella regnaiva
10 La virtüd vair’eir sieu sez,
La sinceritad s’ chattaiva
E quaist pü uossa non vez.
Religiun pü non valla
Stond as veza poch efet,
15 La pü gronda part ais malla
Chi ama bè van dalet.
Simulatiun corruotta
Ho piglo il suramaun
Cha ’s fer buns eir la glieud tuotta
20 Tras virtüd da quella san.
Tot il bain far ais svanieu,
La superbgia ho piglò lö
Et co ’l vizi in compagnia
Fat han da virtüd ün giö.
25 Scha ün guarda la misergia
Cha ’ls pauvrets in chesa han
Ais’ bondanza da superbgia
Ma manguel da charn et pan.
Scha guardain alur in teista
30 Cumanzand il plü süsom
Clêramaing as manifesta
Cha superbgia port il pom.
Guardè quantas mattas bellas
Chi as veza nel di d’hoz,
35 Cul culöz plain d’ marinellas
E vstieus alvs cun ün bel boz.
Quaist ais auncha la plü bella
Cha suvenz ün as minchuna
Per cugnoscher la fantschella
40 Neir plü our da la patruna,
Neir la giuvna opulenta
Chi avuond’ho mincha di
Our da quella chi polenta
Schiarsamaing ha per mezdi.
45 Chars amihs ’s cussagl aquia
Scha vulais as maridar
Non ’s inamurè del vstieu
Ma sün chi tuoch il purter.
S’infuormè della persuna
50 Scha non v’ lais as irügler,
Scha la sai da chesa buna
U figla del chuderèr.
Scha vzais bgeras panpiglottas
Non ’s inamurè sün tuot
55 Ma guardè cha non sai schottas
Opür sdratscha nels pans suot.
Perchè bé sco las Signuras
Sun in cas d’as fiter sü
Perchè vus as inamuras
60 Cha sainza non poun ster plü.
Eug cusailg cun sincerited
Meis chiers amihs ad ogniün
Da trer pü zieva la bunted
Dal bun arost co dal bger füm.
65 Et s’impissè cha vanited
A vus nun purterò bger nüz
Pü valaregia l’ümilted
Co üna chesa plaina d’ chüz.
Schivi da que ch’ingün ’s intria
70 Ch’ais ün proverbi miss in scrit
Superbgia vo bé anz co la ruina
Et cuostaregia ün grand fit.
A Dieu superbgia es displaschaivla
Et què in general da tuot
75 Ma auncha plü e ’la sgrischaivla
Tiers chi, chi non possed inguot.
Ma l’ümilted ais tanta bella
Chi la posseda ais bèo,
Sco quel nel muond ch’ais gnü con quella
80 Zuond cleramaing ans ho mussò,
Cha què saregia ün bun exaimpel,
Chi purtarò eir ün grand früt
Al spiritus et eir al saimpel,
Saron stimos d’havair virtüd.
85 Et s’impissè d’quella sentenza
Cha chi ’s adoz ’vain abassò
Et piglè quella a preferenza
Quel chi ’s abatta vain duzò!
Perchè superbgia e van dalet
90 Quels vegnan bod a passar via
Alura tuot in ün dindet
Ans reista bé gronda fadia.
Ma quel chi viv’in hümilted
Ho in sia orma ün vair pos
95 Et alla fin l’èternitet
In cumpagnia dels beos.
Ach schi fè uossa quella tscherna
Sco què chi disch quaista chanzun
Schi gnis a vair algrezch’eterna
100 Et a schivir l’aflicziun. —
Quel chi fet quaista poesia
Ais da poch i our dal paiais
Non vulais fer per cusailg sieu
Schi fè bé sco cha vus vulais!