Sacra Predgia
 |
Questo testo è completo, ma ancora da rileggere. | |
| ◄ | Scharfa Perchia | Plaunts | ► |
Questo testo fa parte della raccolta Rätoromanische chrestomathie
MARTIN DORTA.
Sacra Predgia in Actor. VII. 59. Predgiada in Scuol; in frequentissem Auditorio, Ao. 1713. die 29. Semtembris. Supra la mort dal spectatissem Sgr. Cumpar Cancellier Johan Marnia. in Scuol. Tras Peder Dorta & Men Gadina.
Anno MDCCXXII.
| [p. 3] | TEXTVS. |
ACTORUM VII. v. 59.
Stephanus clumeva in agüd & dscheva, Senger Iesu, artschaiva meis Spiert.
DECLERANZA.
I’ Non es da far pauca stima, Chiars & Elets in il Senger d’ils plü davo plæds ils prus tschantschan cur ì’ moren: Sco tota scorta & prusa lgieud han adüna congioschü: Perche in la mort, sco disch il proverbi, nu’ schiatta infanscharià. Cur ün instrumaint Musical vain provà ora pervia seis tön & resonantia, schi ’sfa ja bain sura senn sü’ l davo thun, co el clingia. Usche cur chi s’ vol indret, realmaing, zainza ingüns affects jüdichiar, è tschantschar davart ün crestian chi mora, non sa stov’invlidar sia fin, schi è sa sto far sura senn sü’ l plü davo tœnn da sia vita, & dapurtamaint, tenor il comün proverbi chi disch, scha la fin es buna, schi esa tot bön: Non præjüdichiond [p. 4] darcheu nülgia à’ l dit da Syrach, in che chia tü fast, t’impaisa sün las plü davo chiasas, & tü ma non vains à pecchiar. cap. 7 Qindernan haja plaschü à’ l Spiert S. da dar aint à’ ls Prophets in il V. à’ ls Apostels in il N. Testamaint chi notan sü, & perscrit metten diligaintamaing ils plæds ch’ils pruss han tschantschà sün lur fin ant co tour cumgià da quist mond chi sun passads in vita æterna. Gen. 49. Vaini, tanter aters plæds ch’il Patriarch Jacob ha tschantschà sün sia fin, miss eir, co ch’el haja cumondà ch’il dessen manar in Canaan à’ l sepulir pro seis pardavants, per singial chia Dieu non vengia deck à dar quella laudabla terra à sia posterità, mo eir, à’ ls fidels tanter quella, la Canaan cölestiala. Tanter aters memorabels discuors, chia David ha tgnü in seis lêt da mort, s’ chiata l’haja dit eir quist, in la Ligia æterna chia Deis m’ha fat, es tot meis salüd & dalet. 2. Sam. 23. 5. Our d’ilg Evangeli. Luc. II. Sun cunschaints ils plæds d’ilg prus Velg Simeon, ils quals ch’ell vain zainza dubi ad havair repeti sün sia fin, Senger huossa laschast ir davent teis famailg in pasch, perche meis öls han viss il teis salüt. Mo da quists spruchs tots qui manzunats, & blers da quella soart aters chi pudessen gnir quintads nan, ingio s’ vol chiatar ún plü bell co tschell chia Stephanus il prüm Martyr dal N. Testamaint siond plain d’il Spiert S. sün sia fin, à mez seis martuoiri ha pronuntià, dschond Senger Jesu & c. Sco chi sta in ils plæds [p. 5] lets avant à V. C. Ingio no po melgiar inclet da quels havain da considerar quists duos punctums.
1. Che Stephanus haja fat ant co spartir? Ch’el clumet in agud Dieu, & uret.
2. Che Oratiun quella sea statta.
QUant chi pertengia dimana il prüm, in tema, è nom d’ilg Autischem, che Stephanus haja fat ant co spartir, schi scriva Lucas in il Text uschea. Stephanus clumeva in agüd & dscheiva. In ils plæds chi passen esa descrit a la lunga co chia Stephanus siond tschernü Diacon haja dispità con seis Adversaris, siōd chüsa da blastemmas fat üna memorabla apologia ò defaisa ch’ils Judæs ’l pilgien, è manen dadour città al far murir. Huossa scriva qui Lucas ch’el haja fat in quella ch’el ngiva da d’els conter raschun miss à la mort, ch’el ureva numnadamaing, oder clumeva in agüd, à chi l’haja clumâ in agüd non vain specifichiâ, gio da l’oratiun l’ha fat, non ha ün da s’ dubitar ch’el non haja tgnú tot seis recuors pro noss Senger Jesum Christum; El dscheva Senger Jesu artschaiva meis Spiert. El saveva chia Dieu cumonda no il dessen clumar in agüd in il temp da l’angoscha. Psalm. 50. Per quai hossa l’es in il mêr affich ch’el stova lutar con las angoschas da la mort ura’ l è cloma in agüd al Senger, ns mossa usche Stephanus qui, ant co no vengian sün la segonda part, con seis exaimpel ch’ün christian stova murir urond. Quista doctrina apara tant clær [p. 6] no ma vlain our da noss Text. La plü davo lavur chia Stephanus fet, fo urar, ell s’haveva miss in snuolgias, & ureva brichia dech per ell ch’ilg Senger Jesus artschaiva seis Spiert, mo eir per sei inimis chia Dieu nu’ ls völgia ad els quel puchià inquintar, & havion dit quai schi s’ parti’ l: Usche es mort il Schacher chi fet pönitentia sün la crusch, ell era tachià via d’il laing da la crusch ì tot, è darcheu ureva’ l: Senger t’algorda da mai cur tü saràs in teis Raginom. Schi Christus il Filg da Dieu svess es usche mort, in mez l’urar, urond det el sü seis Spiert, el clumet ad auta vusch, Bap in teis mans racomand eug meis Spiert. Luc. 23. Quist es il express cumond da Dieu, cloma mai in agüd in tia tribulatiun, & eug t’ völg deliberar, ê tü’ m dessast dar laud. Psalm. 50. Ingio es hossa mêr bsöng co sün ils ultims zocks da la mort, ch’ingüna medicina po güdar, ün frar non po spendrar l’auter, tot cuffort terain es svantà, & ils assailgs d’il Satan sun ils plü ferms, Dieu sulet stov’esser noss recuors & agüd in il bsöng. Psalm. 49. Quell chi es in furtüna da d’agua con nudar stov’uzar seis corp ch’ell nu’ stenscha: Quell chi es in l’affich da la mort stov’ sia orma uzar con l’uratiun ch’el non stenscha in il giperi ætern. Qua stova havair nom Senger jüda’ m perche l’agua’ m vain fin sün l’orma. Psalm. 69. L’uratiun dal fidel es ün ir sü da l’orma pro Dieu: Plü lönch ün ura è pü aut el va pro Dieu. L’uratiun es ün martè chi batta sün la porta dal cêll [p. 7] sco Christus disch. Matth. 7. Non desno bater porta cun nossa uratiun cur no eschen à’ l plü dastrusch à la porta da’ l cêll, no h’ vain da spartir è render sü noss Spiert à Dieu. Ils Scrivonts da la natüra scrivan, dal movantamaint natüral: Chia pü dastrusch üna chiasa vain al Centro, oder lö ingio ella dess star, è plü plü bot ella cuorra à la vota da quel lö. Per ex. Una pedra chi da gio dil aut, pü dastrusch ella vain à la terra, è pü la festina à gnir qua. L’orma dal fidel non ha ingün ater Centrum, è lö da pussar co il cêl. Per quai pü dastrusch ella vain pro quell, è pü con bramma, arsantüm, con orar, suspirar, larmàr ella vol ir l’aint.
Schi pudess ün dir, quist es bain üna buna doctrina, sch’es pudes far, ì’ fa sà co chi va cur è s’ mora, la lengua vain cuorta chi non s’ po urar sco Stephanus qui, schi ch’ün non po dir niaunc ün plæd.
Risp. Una gronda ignorantia esi cur ch’ün paissa chia’ l oratiun consista à ’l plü in ilg exteriur tschantschar. L’es ascensus mentis ad Deum, ün ir sü d’il cor pro Dieu. Il cor po bain discuorrer con Dieu zainza chia la bocca tschantscha. Fidels suspürs d’ilg cour, zainza ils plæds, sun eir üna buna oratiun. Blers plæds zainza devotiun da’ l cor non es ater co bajaria. Il crestian veza quai ch’ilg vain avant seis ölgs, mo Dieu guarda in il cor. I. Sam. 16. 8. Usche auda il crestian quai ch’ilg vain avant l’urailgia, mo Dieu auda ilg cor. Un chi vol urar indret stova chiatar il cor [p. 8] in seis cor stov’el urar, è tschantschar cun Dieu. E sa sto urar in spiert & in vardat. Joh. 4.
Je, pudess ün darcheu qui dir, schi vain ad’aquella il cor non po suspirar ingotta, ò s’impisar sún quai chi es in cell.
Risp. Our 2. Corinth. 4. 16. Pü chia la forza d’il corp, è sens exteriurs vengian a’ l main, è plü chia la forza da l’orma, è dilg, Spiert pilgia pro, brichia natüralmaing, mo tras virtüt dilg Spiert S. chi suspira in no con suspirs & c. Rom. 8.
Guardain dimana C. F. Siond chi non s’ po murir beadamaing ater co cun urar, è clumar in agüd à’ l Senger, no’ ns exerciteschan in las oratiuns. Tschell Imperader dscheva: Imperatorem stantem mori oportet. q. a. Un Imperatur stova murir stond. No havain dit & musa ch’ün christian stova murir urond. L’art dad’urar nun sa sto imprendar pür cur l’orma es per spartir d’il corp, no in sa stuvain düsar ant. Perche chi ura dintant l’es san inividas, co vol el urar gient cur l’es sü’ l zoch da la mort. Is disch comünamaing in il proverbi. Il bsöng mossa adurar, & es uschea. Ils Sculærs ma non clumevan in agüd Jesum con mêr devotiun co tschella vota chi eran in privel da far naf rota sü’ l mar da Galieea. Matth. 8. Mo is ha eir exaimpels ch’il bsöng effetuescha desperatiun chia l’orma non s’ vol fidar in Dieu brichia. I. Sam. 28. Va Saul in desperatiun à cussailg pro quel mal inimi il Diavel: [p. 9] In desperatiun s’ maz’el sai svess. Il Senger völgia dimana el suainter sia divina impromissiun sponder ora sura da no, il Spiert da sia gratia, & da las oratiuns. Zach. 12.
Guardain chia nossas ormas gean sü in cêl; Sco Christus chi fo tut davent da seis Apostels sü’ n cêl urond, in mez il urar, dintant el ils benediva. Luc. 24. Non po quel chi mora urar, schi ch’el suspira, ques chi sun intuorn el pon ngir & urar sco cumonda Jacob cap 5. v. 14. 15. Usche, usche dvantarâ chia quel chi cloma in agüd il nom dilg Senger dvantarâ salv. Act. 2.
II. Mo che uratiun, per no vengian hossa sün il segond, es quella Stephanus ha fat? Oder co clumev’ell in agüd? Il Text metta, ell tscheva Senger Jesu artschaiva meis Spiert. No qui havain da considerar ambas duos; Il titul ell da, co ell tschantscha con quel ell clom’in agüd, è che - uratiun ell il porta avant.
A. Il titul ell il da as quist: Senger Jesu. Quest es ilg ætern Filg da Dieu, chi es in il temp nad vair crestian da Maria Juvantschella per in sa spendrar. Quell, quell ha fat salv il pövel da seis puchiads, per quai ngi ’ll nominà Jesus. Matth. 1. Ell es il Senger, brichia deck à raspet da seis domini universal, ilg qual ell exercitescha sco Deis insembel cu’ l Bap, & Spiert S. supra totas creatüras; Mo à raspet da quell domini œconomic chia’ l exercitescha sura da sia Baselgia, quell pövel elet, è peculiar, sco Mediatur, chi sapchia cert tota la [p. 10] chiasa da Israel chia Dieu ha fat quist Jesum Senger è Christum. Act. 2. Quell es ilg Senger da’ ls Singuors, sco chi ha viss Johannes chia’ l purteva quist nom scrit sün sia vestimainta, è sü’ n sia côssa. Apoc. 19. Quindernan vain dils Apostels ’nils salúts chi comparten à las Baselgias chi scrivan lus Epistlas dat à’ lg Bap il titul da Deis & à’ lg Filg il titul da Senger. Per quai il da eir Stephanus quist titul, è disch Senger Jesu artschaiva meis Spiert: Tant co sch’ell vless dir tü esch meis Senger, chi’ m hast spendrà, pro tai nhai eug meis recuors in quist meis grond bsöng, è manguel, tü maina’ m in la chiasa da teis Bap in la quala sun bleras stanzas. Joh. 14.
B. L’uratiun ell porta avant à noss Senger J. Christe clomma uschea: Artschaiva meis Spiert. Ingio no stuvain considerar darcheu, da che ell haveva il plü pissêr sün sia fin, numnadamaing da seis Spiert, è che ell in reguardo da quel rova, chia Jesus il völgia artschaiver in seis cölestial Reginom.
Stephanus in sia mort ha tgnü il mær pissêr da l’orma. Senger Jesu artschaiva meis Spiert disch ell. E cert cur chi vain ad à quella, non sa stova havair pissêr dingüna chiasa ater co da l’orma. La dispositiun da la chiasa, recomendatiun da sia brajada, reconciliatiun con il prossem, lordinatiun da’ l lö dala sepultüra sun chiasas chi stoven pro temp gnir drizadas ora, ’nils davo zuggs, ch’ün es per spartir dess’havair nom. Una [p. 11] chiasa fetsch eug, eug invlid las chiasas chi sun davo mai, & ’m stend davo quellas chi sun avant mai, veng à la vota dal seng miss, à’ l præmi dala vocatiun chi es sü dsura, da Dieu in Christo Jesu. Phil. 3. 14. Qua no sa stova havair pissêr ater co da l’orma. Perche quella importa il plü cur l’orma es persa schi esa tot pers, cur l’orma vain salva schi non esa pers nülgia. Cur nossas chiasas, il qual Dieu völg esser l’avant! Ardessen, schi havesna il prüm pissèr da nossa bragiadèta chi es l’aint, las rabas per üna giada laschesno ir. Usche cur noss tabernacul, il corp, va à perder tras la mort, schi stuvaino havair il prüm pissèr chia quel chi hafta l’aint, l’orma vengia conservada. Schi vain in quel möd conservà eir il corp. L’orma es il Singur, il corp il Serviaint, ingio l’orma va cur is mora, vain à sieuar sü’ l di da la resüstanza eir il corp. Per quai hajas pissèr da tia orma, schi vain cussalvà eir il corp. Pauc pissèr con quai da lur ormas han ques, chi sü’ l puoing da la mort, han plü pissèr da lur raba, da cummondar ingio lur corp dess ngir tschantà; Quai ha nom volver ils öls davent da quai ch’es avant els, sün quai ch’es davo els. Phil. 3. A’ ls quals no clummain pro ils plæds da Christi: S’algurdai da la donna da Loth. Luc. 17. Tant davart seis Spiert, l’orma dala quala l’ha tant pissèr Stephanus.
Che rog’el à Christo in reguard da quella? Co la recomand ell? Senger Jesu, disch’ell artschaiva meis [p. 12] Spiert. Ell non recomanda sia orma a Soinchs, oder Soinchias, sco fan ils idolaters, è pisevan la sudada chi fess Christus, mo ell la recomanda à Jesu Christo, quell l’haveva creada, & spendrada, pro quell stuveiv’ella turnar. Eccl. 12. Ell ha pissêr per sia orma la non veza il giperi per quai disch’ell artschaiva meis Spiert, las ormas Christus artschaiva ell cur s’ parten da lur corps, sun in seis mans, in buns mans, ques propi chi han fat cell & terra, las ormas chi sun in man da Dieu, non partschen ingün mal, ellas dal man dret da Dieu giaudan saduleza d’algrezchia psal. 16.
No vlain huossa conclüder. Stephanus clumev’in agüd l’ Senger & dscheva Senger Jesu artschaiva meis spiert. Sun plæds chi vengian n’il text dits da Stephano, plæds chi pon gnir dit er da noss Confrar b. m. Il bain sabi, bain æstimat Sr. Cpr. Sr. Canzalèr. Stephanus es ün nom Cræc, à metter ora, vol el dir üna curuna. Una coruna d’honur es ell stat à sia brajada, à sia chiasa, & à no tots, scha no resguardain la gronda sort, benedictiun l’ha tngü in seis negotiar, traficar: Tant gronda es stat quella ell pudeva dir con Jacob chi’ n Mesopotamia eira passa con ün bastun in man, turnond era ’l ün patrun da duos truppas, eug sun massa pitschen pertot la benignitat, è pertot la fideltad chia tü hast duvrà vers teis famailg. Dad’ell, in quai l’ha travaschà in terras estras mà pro no, & avant no, es ngü alchüna almentanza; Seng da sia sinceritâ [p. 13] l’haja mà mancà sias impromissiuns. Una Curuna dad honur es ell stat in l’amur l’ha purtà a’ ls stúdis, n’ils quals ell seis Filgs brichia con pitschen cuost ha sublevà, trat sü, in terra, & or terra pro ils esters. Sco l’era üna Curuna in seis stadi florisant. Usche es el stat tal in la adversitat, d’üna patientia singolara, ch’el il patimaint dalla raba ha tut sû con patientia saviond ch’el in cêl haja üna meldra raba ê süstanza, schell non es da quintar sumgliond à Stephano in la causa, quala suleta fa ün Martyr, schi po’ l ngir quintâ in sort da la mort, quala in ün cert möd s’ po dir violenta: Inonder la violentia sea ngüda sà Dieu, eug non chüs ingün, non schüs ingün. Veziond el da quella il vain la mort ha ell fini sia vita con il urar, suvent clumà cun Stephano, Senger Jesu ratschaiva meis Spiert. Nilg qual vut hossa exudi, tras gratia es pro Dieu in cel, ingio el porta la coruna dala vaira gluergia sün sia testa, in seis mans las palmas da vitoria. Il Senger, chi non ha mancà dans dar homens chin sa stan avant in ambas duos stadis con laud, völgia continuar à far dal bain â noss Zion, restaurar ils mürs da nossa Jerusalem. Ell per gratia sia ns völgia dar quai, no con nossa disuniuns, mal inclêts, malabinanzas havain chiatschâ davent da no, la pasch. Pasch con Dieu, pasch con nossas conscientias, pasch cun l’ prossem. Pasch sea sur il Israel da Dieu. Ell ilg Deis da la pasch völgia sanctifichiar no perfetam, noss intêr Spiert, orma & corp vengia conservâ zainza repraisa in la vngüda da noss Senger Jesu Christi al qual & c. Amen.