Rime milanesi (Pertusati)/Previlegg di Magher.
 |
Questo testo è incompleto. | |
Francesco Pertusati - Rime milanesi (1817)
Previlegg di Magher.
| ◄ | On Perrucchee , brav omm , vanzaa de post dal sò Padron, el ghe dà in ringraziament sto Sonett | Ringraziament al sciur Giovann Nicola per on regall faa a Meneghin de duu stupendissem stracchinon. | ► |
Previlegg di Magher.
- ---
- SONETT.
Andand attorna a zavajà per spass
Me sont fermaa a sentì duu dottorej,
Che intra lor desputaven se sia mej
L’ess magher come on picch, oppur ess grass.
Vun diseva: Se avess de tornà a nass
Vorrarev che in cà mia scambiaa i modej,
La mia mamma, tant mi come i fradej,
A fann lenc e pettard la se obbligass.
Sproposit, diss quell ’ olter: mi sont minga
Nè ona guggella, nè on faccion redond,
Ma invidii chi è suttil comè ona stringa.
Giacchè, lassand da part el bell e el brutt
De trii nemis, Carna, Demoni e Mond,
Ghe n’han duu sol sti luguzzoni in tutt.