 |
Questa pagina è stata trascritta e formattata, ma deve essere riletta. | |
| - 50 - |
Previlegg di Magher.
- ---
- SONETT.
Andand attorna a zavajà per spass
Me sont fermaa a sentì duu dottorej,
Che intra lor desputaven se sia mej
L’ess magher come on picch, oppur ess grass.
Vun diseva: Se avess de tornà a nass
Vorrarev che in cà mia scambiaa i modej,
La mia mamma, tant mi come i fradej,
A fann lenc e pettard la se obbligass.
Sproposit, diss quell ’ olter: mi sont minga
Nè ona guggella, nè on faccion redond,
Ma invidii chi è suttil comè ona stringa.
Giacchè, lassand da part el bell e el brutt
De trii nemis, Carna, Demoni e Mond,
Ghe n’han duu sol sti luguzzoni in tutt.
