Rime milanesi (Pertusati)/Meneghin volubel.
 |
Questo testo è incompleto. | |
Francesco Pertusati - Rime milanesi (1817)
Meneghin volubel.
| ◄ | On casett suzzeduu a Meneghin in campagna da pocch in scià. | Al mè Legnamee Sott ai fest de Denedaa Commission, | ► |
Meneghin volubel.
- ---
SONETT.
Nol dighi mi, che basta che prometta
De no fa pù ona cossa che me pias,
Che prima sont tentaa, poù persuas,
Che per mi no gh’è moeud che la desmetta.
E se en vorrii ona prouva fresca e s’cietta,
Hoo daa on s’giaff a la Musa: ecco el mè cas
Hoo ditt: No vuj pù vers, e sont pien ras
De rimm, e a mè despecc foo anmò el poetta.
E oh! stàssela pur lì la mia vergogna,
Che finalment, disemm la veritaa,
La smania de rimà l’è minga rogna.
El pesg de tucc i pesg l’è che al Signor
Foo el bon proposet de lassà el peccaa;
E torni in manch de quella a ess peccator.