Rime milanesi (Pertusati)/Al mè Legnamee Sott ai fest de Denedaa Commission,
 |
Questo testo è incompleto. | |
Francesco Pertusati - Rime milanesi (1817)
Al mè Legnamee Sott ai fest de Denedaa Commission,
| ◄ | Meneghin volubel. | Per on Offizi general in suffragi di pover mort. | ► |
Al mè Legnamee
Sott ai fest de Denedaa
Commission,
Preparee reparee on tavolaa, fegh su on stallin;
S’ha de vedegh de dent la mangiadora,
E destès su la paja on bell Bambin,
Poù on bou, pœù on asen che ghe fiada sora.
Gh’ha da vess la soa Mamma, e lì vesin
El sò På scrusciaa in terra che el l’adora:
Pastorell e pastor coi pegorin
Vegnuu in folla là intorna, e de strasora.
Farii lusì ona stella in lontananza,
E a travers di montagn on furegozz
S’ha de sguisi de forestee che avanza
Con treno de camej e de cavaj;
E quest, già me capii, no l’è che on shozz
Del regall che hoo promiss ai mee bagaj.