Rime milanesi (Pertusati)/In mort del sciur Marches Carlo Arconaa.
 |
Questo testo è incompleto. | |
Francesco Pertusati - Rime milanesi (1817)
In mort del sciur Marches Carlo Arconaa.
| ◄ | Al sciur Canonegh Rainold Besozz fioeu del sciur Felipp. | Notizia falsa de la mort d'on viv. | ► |
- In mort
- del sciur Marches Carlo Arconaa.
- --
- SONETT.
Colpii da on azzident de poplessia
Vun di nost Cavalieri de Milan,
Vuj mett on poo mastransc, on poo mal san,
In manch de quella, ohimè! l’è voltaa via.
Quest l’era on scior, e sfidi chissessia
A dinn maa se se pò: modest, uman,
Papà di poveritt, con bus i man
Tutt ospedaa, tutt gesa e sacrestia.
L’ha avuu ona santa donna per miee;
El lassa indree on bagaj, che per vertù
El someja a tucc duu, per faccia a lee.
L’è andaa de vol in Ciel, nemis giuraa
Di coss del mond... Eh via, no voo innanz pù:
Chè senti a dimm da tucc: L’è l’Arconaa.