Rime milanesi (Pertusati)/Al sciur Canonegh Rainold Besozz fioeu del sciur Felipp.
 |
Questo testo è incompleto. | |
Francesco Pertusati - Rime milanesi (1817)
Al sciur Canonegh Rainold Besozz fioeu del sciur Felipp.
| ◄ | Sora la mort seguida in Cà de Meneghin del sciur Felipp Rainold vecc de 88 agn. | In mort del sciur Marches Carlo Arconaa. | ► |
- Al sciur Canonegh Rainold Besozz
- fioeu del sciur Felipp.
- ---
- SONETT.
L’è mort el sò car Pà. M’en sa despias,
Minga per lu, che l’era tant dabben,
Che l’è spiraa ridend, e in santa pas,
E che per nost confort, l’è andaa a stà ben.
No intendi dì per quest che on simel cas
L’abbia de refreggì el dolor in sen
A on fiœu come Vu tropp persuas
Che da la man de Dio tusscoss proven.
La perdeta d’on pader inscì bon
No gh’è nagott che possa compensalla,
No gh’è scirott che sana sto bugnon.
Ma fee rifless che el Pà, come se dis
De tanci e tanci bon Cristian che sballa,
L’era già col pè drizz in Paradis.