Rimas/7
< Rimas
 |
Questo testo è completo. | |
Gian Fadri Caderas - Rimas (1865)
Cordöli
| ◄ | 6 | 8 | ► |
Crestomazia Retoromontscha VIII 
di Caspar Decurtins (1907)
Questo testo fa parte della raccolta Rätoromanische chrestomathie
| [p. 78] | Cordöli. |
(Seguond Heine.)
Chera, di ’m perchè las rösas
Sun privedas dad odur?
E perchè vïolas blouvas
Nun favellan pü d’amur?
5 Perchè chaunta lodoletta
Tristamaing invers il tschel?
E perchè las rös ’emetta
Our del sain odur mortel’?
Perchè ’l raig del di appera
10 Usche sblech sül tappet verd?
E perchè la terr’intera
S’ho müded’in ün desert?
E perchè d’ dolur chalcheda
Ais mi’ orma saimper cò?
15 O di ’m tü, persun, ameda,
Perchè m’hest abbandunò?
1860.