Rimas/2
 |
Questo testo è completo. | |
| ◄ | 1 | 3 | ► |
Crestomazia Retoromontscha VIII 
di Caspar Decurtins (1907)
Questo testo fa parte della raccolta Rätoromanische chrestomathie
| [p. 21] | Sül lej da Como. |
Tranquil il lej. La glüna bella
Splendur’in mez del firmamaint,
Argenta villas, munt e sella
E bütsch ’il limpid elemaint.
5 Ün od’il sain dalöntsch chi duna:
„Adieu!“al di chi ais spirò
Il barcharöl ün chaunt intuna
Cha’ l cour sulet ho inspirò.
Inlumineda ais la riva,
10 E vita ’lo sco vi pel di,
Las villas brillan d’ glüsch zuond viva,
Barchettas vaun da vih in vih.
Lo traunter rösas as fo via
Sco üna serp ün cler ovel,
15 E l’ajer rich ais d’armonia,
E transparent il blouv del tschel
[p. 22] Da quaunta pumpa Dieu dotaiva
E quaistas rivas quaist pajais!
Con l’art natüra s’adornaiva
20 Ün paradis fand co palais.
O quauntas villas, o grandezza!
O quaunts tesoris mantunòs!
O quaunta pumpa, o richezza,
Zardins da rösas profümôs.
25 Co ais tuot verd, e bell’ais Flora,
Ed in ma val: linzöl da mort!
Il vent apporta la trid’ora
Müggind nel god con trist accord!
La barcha tuocha bod la spuonda,
30 Zardins e villas vaun svanind,
Pü schürs apperan tschel ed uonda
La glüna bella s’inschürind.
Adieu, o rivas inchauntedas!
Tar vus etern ais il flurir,
35 Pumpusas villas dechauntedas
Aunch’ün salüd ed ün sospir.
[p. 23] S’abbandunand il cour sospira
In vzand svanir ün paradis,
E melanconic’ais la lira
40 In s’impissand a’ ls giuvens dis.
October 1864.