 |
Questa pagina è stata trascritta e formattata, ma deve essere riletta. | |
| Rimas | 243 |
30 Zardins e villas vaun svanind,
Pü schürs apperan tschel ed uonda
La glüna bella s’inschürind.
Adieu, o rivas inchauntedas!
Tar vus etern ais il flurir,
35 Pumpusas villas dechauntedas
Aunch’ün salüd ed ün sospir.
[p. 23] S’abbandunand il cour sospira
In vzand svanir ün paradis,
E melanconic’ais la lira
40 In s’impissand a’ ls giuvens dis.
October 1864.
| [p. 33] | Il calamandrino sün la greva. |
Cu post flurir aquia,
D’azur amabla flur?
Tü hest pü d’ün amia
Del cler ovel al ur!
5 T’ho forsa la tempesta,
Il vent bütteda co?
Ed uossa cridast mesta
Il blouv del temp passo?
Ils boffs e la bufera
10 T’involan il respir?
Mo spera, spera, chera,
Del tschel ün nouv sorrir.
Del tschel est tü l’eletta,
Vestida est d’azur;
15 Aunch’uossa, ma diletta,
Nun est d’ la tomb’al ur!
[p. 34] Tü sest, per chi dolura
Sün terr’abbandunò,
Cha tarda nun ais l’ura
20 Cha’ l tschel l’allegrarò!
