Rätoromanische chrestomathie XI/Tommaso Maurizio - Poesias/Raventga
 |
Questo testo è completo. | |
| ◄ | Tommaso Maurizio - Poesias - Ragord. la zaiza | Tommaso Maurizio - Poesias - Canzunetta | ► |
Raventga.
Biera gent en fiss da quel’idea
Cal sömi sea com’ün trasparent
Bier incuntar cren emo cal sea
Un precursur da cert avveniment.
5 Ma sül sagiüra san nagiun nagota
Ma tgi ca bada pon quinter vargota.
Insciá iè, ca giò da ang in fila
Ha cunfrunta i sömi cunt i fatg
Av poss quinter al sömi e la tgila
10 Cam è sucess sün l’ultim me viagg
Lascand eppö ad ogni ün ca penza
Dre’ l se pareir e dre la si credenza.
Am insumei e Augsburg c’ün tuscandar
Grand, scavagü, cün öil prafond, e plang
15 In sottapang ingeva lo in ander
E cun na lüm e cun curtei in mang
As tiro tcio sü dre la mi litgeira
E dam taer la gula giò fa tceira.
Jel mir ün zich e pö risolv in fretta
20 Dam presarver di colp da quel brigand
E cun ün sbratg d’ingosca e vendetta
Je salt in pe cunt al surletg davant
Eppö clamand agiüt am deis da ora
E sent „Sbragiung“am blastämer da dora.
25 Al di seguent causeva … ent la cirvela
Al sömi sgriscal incessantement
E sunt al mang pogeva la mascela
E dgeiv’inquiet infra la quieta gent.
Beato l’om, ca manca da credenza
30 E or di sömi nu vol trer sentenza.
Ma zittibus? E L’ipsia ent l’ustaria
As va e letg e l’üna per alver
Gio vers Berlin in mang da Dia
Al se viatg in päsc cuntinuer
35 Int üna alta lunga stretga stüa
Undu c’ün altar ent al leg durmiva.
Al trun t’amaz l’usteir e l’ustaria
S’in Lipsia gnanc’ün dromidoir sulet
Pel se daneir e per la si fadia
40 As pò aveir, infuriantaj e tgett —
Am impanzand cal sömi da eir seira
Vess forza vöa da tgaper maneira.
Ma casa fer, sle destina che veda
Or da quist mond in mez i Sassoneis
45 Sci rassegna am mett’e leg e fleda
Or i turment e dla vit ’al peis.
E preg al signor dam der bung … curagi
A supporter da trista mort al stragi.
Dre veir stüdia’ l caratter da la stanza
50 Gest e mubiglia dal me constüunz
E fiss scutca al fermascöl ent l’anza
E fatg sculer „den respekten Brun“.
Ingett e letg fümand la mi zigara
Am cunsuland cal sömi forza sgara.
55 E speranzus smurenza la candeila
Ma suspetturs cunserva n ’l’istess temp
Per lunga pezza güzza lan ureila
Ai cuntruler al fla e muviment
Ma viepplü ch’el spy e ch’el tattleva
60 Sci viepplü d’urmival e runcheval.
Ai bung Signur ie preg, in mez l’ingosca
Tü lasca sempar traspirer cunfort
Quist organing e er ch’e nul cagnosca
Un purgatori pei suffert intort
65 E favelland inscia, la mi gnücca
Am indrumenta tancu fa’ na zücca.
Lo nu ne gni em distüber la quiete
Gni dona, om cun lüm gni cun curtei
E ha durmi insci quiet, ca la baretta
70 Da nötg rasteda era sü i cavei.
Dre meza nötg invece a ün ura
Ha giü d’alver per nu trascurer l’ura.
Prüm as fa föch tivent calc’e calcetta
Eppö i stivai as tira ent boffand
75 Pö veng la teista cun la toiletta
E tgi ca sent al co misung sfragand.
Ca giò la barba lunga vegn e groia
Al l’insavugna et la rasadoia.
Er ie vuleiva fär le mi figura
80 Infra l’an dama da la grand cittá
Em accorgend ca l’era lung ’e düra
Da galant’om am sunt insauna
Al rasadoir pog cü la barba blanca
Ma sangunung! ie vez cal spegual manca.
85 Je alz la lum in mang da üna banda
El rasadoir evert ent l’altar mang
E ussarvand esatt da tütt lan banda
Jem avvicing daspair quel letg eplang.
Induca l’om palzeva ent lan pena
90 E spegl vett incunter l’un appena.
Issa iè t’ la am mütca lan parola
Etan cufá cal Diaval vess tcantca
L’om salt’in pè cuffa, un ulcell sgola
Cun al surlegg davant insparita
95 Sbragiand agiüt salvam da quist canaia
Aiüt, agiüt lá lò n’ curtell ca taia.
Agiüd, Agiüd o gent che cunt in prigual
O moster porch ci servi da der un pich
Ma lü d’ingosca patta or’ün zigual
100 Insparita as posta lo in fich.
Grand purcari tu’ m vol tratter da morder
Sa tü nu tesc at vulará ’d nacordgar.
As po capir l’imbroi di doi cullega
Incura ca schiari l’avveniment
105 È capita insemal tanta briga
Ca allogevan in quel tgesament
Plü aumentand cu riparand la bega,
E „guten tag“tgiappan per la si pega.