Rätoromanische chrestomathie XI/Kinderspiele II
 |
Questo testo è completo. | |
| ◄ | Kinderlieder II - La fuorma del hom in sent | Nachtwächterlieder | ► |
Kinderspiele.
1. Cufalèra.
Qui porta il bap l’infant sün la rain per stanz’intuorn; clamand ils sequaints pleds; allura nel momaint cha quel non as prasögna — al bütta el gio dandet sün la chüna u plümatsch.
Cumar, cumar, cumar — — —
(Bütta gio) spons il giantar.
Cumar Notta, cumar Notta — — —
(Bütta gio) Spons la schoppa.
Cumarutscha, cumarétscha
(Bütta gio) Spons la ravitscha.
2. Cumpra maila.
3. La gialina zoppa.
Il bap piglia l’infant sün sia rain, cu ’ls peeis intuorn culöz, e va ferm zopiand per stanz’intuorn, ingio sun plüs persunas chi sezzan.
Üna da quellas allura domanda: Ingio va hoz la gialina zoppa, cun quista chargia?
A vender ovs, volai cumprar (disch il bap). Schi disch quella e tschüffa l’infant pe’ l chül. Il bap pero mütscha cun seis övs pro ün’otra persuna, Uschè cha’ l spass vain allungà, e l’infant intant as gioda ed ais containt.
4. Il hopper.
Il bap sezza e pisainta l’infant sün sia schnuoglia, chantand:
Hop, hop, hop —
La chavr’a fat ün boc,
Il boc fa üna sola,
La sola da bler lat,
I no bavain quel tot!
Plü ferm cha ’l bap chantand pisainta e plü cha l’infant resainta plaschair.
1 Cur la saira nel s-chür infants vöglian amo sortir our d’ stüva, disch — la mama — non ir oura — e rivind l’üsch mossand il s-chür — coura ais il baubau.
2 Cur infants sü ’l di vöglian seguittar la mama sün la champagna, disch quella: Tü non post gnir, perche id es l’homun, chi pigl’ils infants.
3 Cur donnans in tschinta vegnan in paglioula soul’ün dir, chi sia l’uors in chasa, e cha la duonna da part porta pro, gio dal god ün pop u üna poppa.