 |
Questa pagina è stata trascritta e formattata, ma deve essere riletta. | |
| Kinderspiele | 257 |
42. La fuorma del hom in Sent.
1 Chomma da Ruet
Bruost da Cläuotin,
Bratsch da Mt. Jon Curdin,
E spadla da l’abolt Andrea.
2 Anna paronna,
Pantofla, cucu;
Suletta — dat gio
I soletta sta sü.
3 Ün pülasch qui am morda,
E là am pizgian dus,
Tschinch mütschan sü la corda,
Ma quatter sun plü prus;
Quants fa que Liss’in tot?
4 Oh! pover pülschet,
Pür mütscha sch’ tü post;
Sch’ las femnas a ’t clappan,
Schi’ t fana caput.
Kinderspiele.
1. Cufalèra.
Qui porta il bap l’infant sün la rain per stanz’intuorn; clamand ils sequaints pleds; allura nel momaint cha quel non as prasögna — al bütta el gio dandet sün la chüna u plümatsch.
Cumar, cumar, cumar — — —
(Bütta gio) spons il giantar.
Cumar Notta, cumar Notta — — —
(Bütta gio) Spons la schoppa.
Cumarutscha, cumarétscha
(Bütta gio) Spons la ravitscha.
2. Cumpra maila.
Pro quist giö porta medemamaing il bap l’infant sün la rain per stanz intuorn, pero cu ’ls peeis intuorn culöz, e va allura pro tots quels chi sun in stanza clamand: „Eu sun il cramer della maila!“— Volai forsa cumprar? Ingio ogni ün disch: Schi — e tschüffan cu’ l man pe’ l chül del infant, per tour la maila. Il bap allura mütscha cun la maila, davent da quel pro ün oter — intant cha l’infant gioda plaschair, ais containt e diverti.
| Romanische Forschungen XXXVII. | 17 |
