Prose e poesie bellunesi 2010/13
 |
Questo testo è incompleto. | |
| ◄ | 12 | 14 | ► |
BRUNO FERRONI
La storia del gial. <poem> Na ota la dente de Auronzo era senpro davoi radeà; radèa con chi de Dobiaco le vace passaa i confin.
E cuanche i se à ben patufiou la dente se avèa stufiou, i à dito, betonse dacordo … ce disto … na gara fason!
E cuanche ncora de gnote l gial scomenziasse a ciantà, doe vece, da Auronzo e Dobiaco, dovèa scomenzià a camignà:
agnó che le fosse ciatade l confin avèa da passà, na ota betude i confine la dente stasèa pi n pas.
Pi furba la vecia de Auronzo la stravia chi doi che era là; la ponde l gial che dormìa e chesto se bete a ciantà.
Così, po sta gran canaiada; chel autra era belo tardiva, man man che la dèa pi n dalonde i confis se spostaa pi n là.
Sul ponte de la marogna se ciata doe vece e n baston, e zenza pi tante descorse così i à serou la cuestion. E cuanche le vace partìa, savèa agnó che le dèa, na ota segnade i confine nessun avèa pi da ce dì.
E i tenpe é dude n davante i confine da alora i é là doe guere é belo passade chissà cuante ncora à da ruà;
e chi che é ncora convinte che serve pondude de gial, daspò a forza de ponde, lui solo l se bete a ciantà.
(Auronzo)