Prose e poesie bellunesi 2009/La s-ciona de la nona Irma
 |
Questo testo è da formattare. | |
| ◄ | 16 | 18 | ► |
MARIO BRESSAN SIMON
La s-ciona de la nona Irma.
Na olta, cuant che le tose no le podea girar né de dì e tant de manco colé che era scur, le mare le ne contea che na sera, trei bele tosete insieme con altri trei zuanot i é scanpai par andar al bal visin al Macatoch.
La sera inbrunìa e la luna la inluminea i dintorn e le bele crode. La conpagnia la era tuta contenta e ghe parea che el mondo el fusse tot so.
I é montai tuti alegri su na linzala e i corea par i bosch senza pensar al tenp che passea, né in che loch che i era rivai. Tut inte n bot i se à catà inte la Val dei Sprit e n canto melodioso el se à inpadronì de tuti. I zuanot no i é stati pi boni né de scanpar, né de fermar la linzola, e con cuel canto le sirene le i à ciapai e fati sparir, come che le fea con tuti cuei che passea par de là.
Sti pore zuanot no i é pi stati catai, ma anca ades se se passa te la Val dei Sprit, slongando le rece se sent encora le disperate os de le mare che ciama le so tosete.
(Gosalt)