Prose e poesie bellunesi 2008/L é ora de saludasse
 |
Questo testo è da formattare. | |
| ◄ | 21 | 23 | ► |
LISA DE LUCA
L é ora de saludasse.
Eco, tosate, l ultima sera,
sion tute insieme, ncora na olta,
no dighe l ultima, per carità,
no ston tacà co le tragicità...
che no piandone ncora prima de scominzià!
Ve conte n cin come che la é ndata cua,
me toca parlave in dialeto,
no l é nia da fà:
voi savé che l dialeto el é pi forte de mi,
no son bona de dive le robe altro che cusì.
Ve ricordeo, co sion rivade
tute n cin spasemade?
Se sà, no se se cognossea
e alora se se vardea!
La prima sera, da l agitazion
avon fat tuta na confusion:
e sposta i let, i mobilet,
tuta na telefonada,
tuta na ciacolada.
E mi ò pensà,
ma no ò parlà:
“In zincue femene, per carità!
In cusina doi le é massa...pensa cua!
In zincue femene,
tute diferenti,
da tuta Italia,
e tute prepotenti!”
No con cativeria, ades se dis per scherzà,
ma anca n cin davera...cuante che ghe n avon passà!
In prinzipio era feste, casin e moros,
mi però no l ò catà, anca per mi, n bel tos.
Va ben, pazienza, anca per mi el rivarà,
co sarà ora de se maridà...
Dopo, la musica la é n cin canbiada,
in chesti sie mesi l é stat na gran stracada.
Manco feste e manco casin,
però i moros l é l unica roba che no l é canbiada!
E tute insieme, ghe n avon fat de robe.
L é stat momenti bei, momenti manco bei, davera,
l é mort anca la nona...che no me par ncora vera...
Ma se era tute insieme, e me parea che me fesse manco inpression.
Co se à le amighe visin se porta insieme anca le emozion.
E ades, tosate, sion ncora qua,
ncora agitade,
le é drio finì, le nosse ciacolade.
L é ora de ndà,
de ndà a laorà,
staolta davera,però,
no pi per scherzà!
(Agort)