Prose e poesie bellunesi 2008/Senza titolo
 |
Questo testo è da formattare. | |
| ◄ | 22 | 25 | ► |
ANNAMARIA DE MICHIEL
Senza titolo.
Mè pare avea na stala
diese vace, vinti fede,
calche pita, doi porziei
e na riga de restiei
Verso i prime dì de giugno
se tacaa co l seà i pra
e no l era pi finida
fin d autuno … a restelà
Era Tita che genpìa
la contrada, su la sera,
al batea senpre la fauz
là, dal brente, su la pèra
e sentade su la bancia,
Barba Nani e Nene Cia,
se contaa robe de n ota
e i vardaa con nostalgia
Tante ote ei brontolou
su pal fien, su par le vace,
su le fede e sul porzel
ma pi ancora … sul restel
E me penso barba Ciso
che vienia senpre a vidane,
l era suto de parole
ma al lauraa pi de mè pare
Alora … parlo de ane fa,
cuasi dute avea na vacia,
na staluta e un tabià
con doe vare da seà
Era poche, chi pi siore,
che no avea l odor da stala
e pensao … “che fortunade …”
ma col tenpo ei visto che
i era stade scarognade
Chel odor ne à fato ben,
era odor bon de la tèra,
era chel de la fadia,
de le man piene de ciai,
vere e oneste … spezialmente
é par chesto che ringrazio
chele vace, chele fede,
chele pite e chi porziei
ma, ve giuro, pi dute,
chela riga de restiei.
(Lorenzago)