Primulas/2
< Primulas
 |
Questo testo è completo. | |
Peider Lansel - Primulas (1907)
Greiv cumgià
| ◄ | 1 | 3 | ► |
Crestomazia Retoromontscha VIII 
di Caspar Decurtins (1907)
Questo testo fa parte della raccolta Rätoromanische chrestomathie
| [p. 9] | Greiv cumgià. |
Spessa croda la fraida plövgia d’utuon,
Melancolica tschiera zopa noss munts,
Trist es il di e ’l cumgià! Chi sa cura
Ch’eu darchè tuornarà a riverar ma val?
5 Nels ögls am stan amaras larmas d’adiou
E l’orma ’m turmaint’ün pissêr dulurus,
Quist podess esser eir l’ultim cumgià teis!
Disch in mai üna vusch chi na vol taschair.
La via davant mai ’s perd’aint il nüvel,
10 Intschert uschè cuorr’avant mai mis avgnir.
Misterius, mütschond sainza gnir ma stanguel
Vers il fatal e scognoschü term da pos.
O quant trist sun eu hoz! Eu guard inavo
O lös da ma infanzia, adiou! . . Adiou!
15 Atristà eu ils vez pac a pac svanir
Tras la plövgia sco tras ün vel da larmas.
1884.