Poesie milanesi/VI - Sonetti/8

by Carlo Porta

8

../7 ../9 IncludiIntestazione 27 dicembre 2020 25% Da definire

Questo testo è incompleto.

Carlo Porta - Poesie milanesi

8

◄

VI - Sonetti - 7

VI - Sonetti - 9

►

8.

(- 1812).

Quand vedessev on pubbleg fonzionari
A scialalia coi fiocch senza vergogna,
Disii pur che l’è segn ch’oltra el salari
El ghe mett lu del so quell che besogna.

Quand savessev del franch che a l’incontrari
Noi gh’ha del so che i ball ch’el ne bologna¹,
Allora, senza nanch vess temerari,
Disii ch’el gratta² senza avegh la rogna.

Quand intrattant ch’el grattta allegrament
Vedessev che i soeu capp riden e tasen,
Disii pur che le segn che san nient.

Ma quand poeíi ve sentissev quej ribrezz,
Perchè a dí che san nient l’è on dagh de l’asen,
Giustemmela, e disii che fan a mezz³.

Note

1. ball, ecc. : le fanfaluche che ci racconta.
2. gratta: qui e nel verso seguente giuoca sul doppio senso del verbo grattò = grattare, che in milanese vuol dire rubare.
3. Questo sonetto è la eco dei grandi commenti fatti in Milano per una festa data in casa propria dal tesoriere Casiraghi (non avente che L. 3U00 di stipendio) festa del costo di circa L. 12000. con intervento del Ministro Prina. superiore del Casiraghi, vedi COMANDÌNI (L’Italia, ecc.) sotto la data 15 febbraio 1612, ove i pubblicato il fac-simile di questo sonetto.