Poesie milanesi/VI - Sonetti/36

36

../35 ../37 IncludiIntestazione 27 dicembre 2020 25% Da definire

VI - Sonetti - 35 VI - Sonetti - 37

[p. 313 modifica]36.

(1815)1.

Carlo Porta, poetta ambrosiän,
No vorrend vess creduu per on baloss.
Prima perchè a sto mond el g’ha quajcoss,
£ poeu perchè ci g’ha minga el eoo balzan,

El protesta e el dicciara a tutt Milan,
Che tucc quij vers che gira e ghe dá addoss
A re, governa, prenzep e pèss gross.
No hin farina fada col so gran.

E però el prega quij cagazibett2
Che ogni bott el battezzen per autor,
A vess on freguin3 pussee discrett.

Giacché de scriv stí bozzer de cavali
No l’è né on vis-de-cazz, sul gust de lor,
Né el g’ha come i lumagh la cá sui spali.


Note

  1. "Sonetto scritto nel giugno del 1815, per disinganno di coloro che mi credevano autore di sonetti in vernacolo nostro, scritti in offesa di nobili e di altre persone ragguardevoli ". (Nota del Porta).
  2. cagazibett: pettegoli.
  3. freguín : diminutivo di freguj, briciolo.