Poesie milanesi/VI - Sonetti/28

by Carlo Porta

28

../27 ../29 IncludiIntestazione 27 dicembre 2020 25% Da definire

Questo testo è incompleto.

Carlo Porta - Poesie milanesi

28

◄

VI - Sonetti - 27

VI - Sonetti - 29

►

28.

(1816).

Per fagh vede e tocca propi con man
Che, anch senza vess nassuu in d’on’aria fina
E ave tettaa de bajla firentina,
Se pò fass foeura i busch¹ anca in Milan,

Ch’el me sporgla on poo chi, sur Don Giavan,
El fregaoeucc² <je quella soa manina,
E ch’el tocca, ch’el studia e ch’el compina³
Sti pocch donzenn de nomm italian.

S’el leggiará polit cont attenzion,
E se de gionta el vorará nota
Sti nomm sul mennabò⁴ Ji citazion,

Sur Don Giavanin d’or, ch’el lassa fa
Che ghe meltaroo insemma on regalon
Ch’el vorará stantá a portali a cá.
Prest donch ch’el vegna za,

Leggemm: Letteratura: Muss⁵, Gigee,
Rivola, Castion, Magg, Balestree,
Litta, Tanz, Borromee,

Setalla, Ripamont, Gian MarHan,
Carchen, Maggenta, Ajrold, Venust, Cardan,
Ferrari Ottavian,

Castion d’Alfons, Berchet, Scott, Purisell,
Peregh, Manzon, Luin, Pozzobonell,
Gianella, Gambarell,

Torti, Panigaroeu, Bellott, Parin,
Verr Lissander, Oltrocch, Rejna, Venin.
Storia: Sass, Calch, Giulin,

Verr, Simonetta, Coeuri Bernardin.
Medesma: Majner, Lanfranch, Baldin,
Cros, Concorezz, Tadin,

Salvadegh, Mennaben, Grí0, Lampugnan,
Duu De Grad, duu Caimm, Manata Alban,
Simonetta, Giussan,

Rovida, Della Porta, Castion,
Moscati, Pravesin, Casaa, Boldon,
Boss, Assander, Siton.

Anatomcga: Buzz, Gaspcr Asell,
Carchen, Bianch, Bium, Monteggia, Magistrcll,
Tron, Cuoi, Mazzucchell,

E Riboli, e Palletta, e l’Ospedaa.
Chimega: L’Alcman, Monguzz, Poraa.
Scienza d’antightlaa :

Trivulz, Ferrari Ottavi e Ottavian,
Fumagall, Allegranza, Boss anzian
E Gattani Gaitan.

Fisega: Fris, Raccagn, De Regis, Pin.
Meccanega: Isimbard, Elli, Sonzin,
E Beccaria Ballin.

Argentana: Cardan, Brambilla, Gross,
Luccignoeu, Scorza, Arsagh, e quel pess gross
Del Poppa Caradoss.

Incishn: Giusepp Longh e la soa scceula.
Archilellura: Bass, Mangon, Vignoeula,
Solar, Meda, Cagnoeula.

Pitlura: Cresp, Boltraffi, Bramantin,
Melz, Lomazz, Poppa, Zeser Sest, Luin,
Pamfil, Oggionn, Figin,

Del Cajro, Michelin, Pepp Boss, Appian,
Peregh, Gallear, Sanquiregh, Landrian,
Ganna, Levaa, Vaccan,

E in tra i donn la Milesi, la Legnana,
La Belleria, la Corneo, la Vedana,
L’Olivazza, l’Appiana.

Scultura: Porta, Biff, Fontana, Agraa,
Solar, Bambaja. Giusprudenza : Alziaa
Papá di dottoraa,

Posteria, Ares, Taegg, Cajmm, Carpan,
Manfred Setalla, Gian Luis Toscan,
Piroven e Giussan.

^olitega: Moron, Verr, Beccaria.
Matematega, Calcai, Stronomia:
Ceva, Agnesa Maria,

Caravagg, Mazzucchell, Zeser, Carlin,
Lece, Cavalier, e on Orian che in fin
L’è on lum de vott stoppin.

Milizia: EI gran Trivulz, Melz Luduvigh,
Medes, Castald, e Belgiojos Albrigh,
E i nost Viscont antigh.

Musega: Cadenazz, Mess, Palladin,
Mínoja, la Grassina, Sant Martin,
E Luvis Marchesin.

Diplomazia: El cardinal Moron,
Archint, Taverna, Cresp, Melz, Castion
E el Boss de Provvision.

Teologia: Moron, Branca, Bonscior,
E in Domm on para l’ann dedree del cor⁶,
Artegian poeíi descor!

Ona motta, on vivee, on muco, on brovètt;
Perfett, arziperfett, plusquam perfett:
Basta dí che on Ronchett

L’instrivalla tutt l’ann re e imperator;
E che a Londra e a Paris ne fan l’onor
De dá la metta a l’or

Coi noster bravi balanzitt nostran,
Fabbricaa in st’aria grossa de Milan.
Ora, sur Don Giavan,

Che l’ha leggiuu polit, e che l’ha vitt
Che sto paes no l’è poeú tanto trist,
Ne insci biott e sprovvitt

De gent che vara tant e quant e lu,
Se per modestia noi voeur dí de pu,
Ch’ei te toeuva mò su

Insci a la bona, e senza zerimoni,
Quella motta de liber che ghe doni.
Lí gh’è dent el Sigoni,

El Silon, el Murator, gh’è l’Argellaa⁷,
Tucc in foeuj, stampaa ciar, e ben ligaa;
E quist chi, sur Abaa,

Ghe mostraran in tucc i or ch’el stinui
Tane olter nomm de omenon de scima,
Che in grazia de la rima

E in virtú de la santa discrezion
Hoc dovuu per desgrazia in s’toccasion
Lassa] in d’on canton

Infin per la bonne bouche el gh’è on breviari⁸
Pien ras e comor de indulgenz plenari.
Toh foeura del Bollari,

De Lissander Segond, Gregori, Urban,
E de duu d’olter papa de Milan.
E quest chi, Don Giavan,

Speri ch’el ghe fará propi servizi
E per l’obblegh ch’el gh’ha de dí l’ofiízi,
E per el benefízi

De qui) sant indulgenz ch’el pò quistass
Insci col stecch in bocca andand a spass;
Che l’è mej che struziass

A dragona, studia, perzepitá
Per vegní in culi a tucc, come ch’el fa.

Note

1. fass foeura, ecc.: cavarsela onoratamente.
2. fregaoeucc : dito indice col quale i bambini, appena svegliati, si stropiccisuio gli occhi.
3. compina: compita.
4. mennabò: guida, repertorio.
5. Per i dati biografici di questi e di altri celebri milanesi si potranno consultare le note di CAMPAGNANI POLICARPO alle Poesie milanesi del Porta, (ediz. I, Milano, Bobecchi, 1887, ediz. II, Milano, Capriolo e Massimino, 1918) dove però manca qualche nome.
6. E in Domm, ecc. : cioè, in Duomo un paio di teologi, ogni anno, nei confessionali dei penitenzieri allineati nel retro coro.
7. Qui sono citati i quattro autori, che danno notizie biografiche di scrittori e scienziati milanesi.
8. breviari : sommario delle indulgenze concesse da Papi milanesi cavate dalla raccolta delle bolle pontificie (Bollari’).