Poesie friulane/Morosèz e matèz/A l'òpare
 |
Questo testo è completo. | |
Ercole Carletti - Poesie friulane (1920)
A l’òpare
| ◄ | Morosèz e matèz - Prim di durmì | Morosèz e matèz - Matine di crésime | ► |
A l’òpare.
Sój sbrissàd sù in logiòn, Nusse, sól di lampati,
juste su l’ùltim at: une gran fòle in zir,
çhalçhade (che jò spìi par viódi se ti çhati),
fèrme, atènte, cui vói tirâds, senze respìr...
Chèste jint jé partide in viàz pal mònd de lune,
sui pujéris strijâds de mùsiche, a galòp.
Èco, tal bòsc dai siùms, il çhisçhèl de fortune,
indulà che si fâs e si disfe ògni gròp
de vite, tant che j’ plâs al cur, e dòme a lui:
indulà che si mûr di amór: il çhisçhèl dut
d’àur, che un pôc al è di ognùn, e un mònt di cui
ch’al scombàt de matine fin sère pal pagnùt.