Poesie friulane/Morosèz e matèz/A Nusse
 |
Questo testo è completo. | |
Ercole Carletti - Poesie friulane (1920)
A Nusse
| ◄ | Morosèz e matèz - Sòt la nape | Morosèz e matèz - Fumate | ► |
A Nusse.
Nusse, jò no puès vivi cussi. Ançhe stesère
tu às tirade indaùr la man, cuàsi a un nimì,
sènze çhalami, sènze rispuindi a la prejère
dal mio cur ingropâd. No puès vivi cussì.
Oh chéi dêds inglazzâds che sçhampin de me strènte!
Epur, Nusse, une vólte, incuìntri al miò salûd,
la tó man jère prònte, caloróse, contènte
di bandonassi un lamp, dólçe come il vilûd.
Èco: sintì ançhimò, sul çernéli, sui vói,
ché man a çharezzami, come che sa, adasiùt,
a lung... Èco: pojami cul çhâv sui tiéi zenói,
no pensà, no savé, e durmì istès di un frut...