Poesie (Porta)/67 - Se mai el gh'avess gust sur intanaa
 |
Questo testo è completo. | |
Carlo Porta - Poesie (XIX secolo)
67 - Se mai el gh'avess gust sur intanaa
| ◄ | 66 - Gh'hoo miee, gh'hoo fioeu, sont impiegaa | 68 - Sonetti stampati sul secondo numero del giornale "BIBLIOTECCA ITALIANA" | ► |
Se mai el gh’avess gust sur intanaa
de fà sott a cazzotti in poesia
sont chì pront a servill, e manco maa
ch’el me strusa in d’on tast de simpatia.
Ma con patt de trattà de bon soldaa5
e d’omm d’onor, minga poggià e corr via
a mettes in sicur in sul segraa
de la regia cesarea polizia.
Foeura, sur vis de cazz, quell mostaccion,
ch’el vegna a battes cont on’arma pari10
e minga col cortell di delazion.
O a tutta manca, se nol pò resist
al gust de fà el sassin, de fà el sicari,
ch’el metta innanz la pell com fan quist.