Poesie (Porta)/66 - Gh'hoo miee, gh'hoo fioeu, sont impiegaa
 |
Questo testo è completo. | |
Carlo Porta - Poesie (XIX secolo)
66 - Gh'hoo miee, gh'hoo fioeu, sont impiegaa
| ◄ | 65 - LAMENT DEL MARCHIONN DI GAMB AVERT | 67 - Se mai el gh'avess gust sur intanaa | ► |
Gh’hoo miee, gh’hoo fioeu, sont impiegaa
et quidem anch a caregh del Sovran,
gh’hoo al sô quaj crost, gh’hoo el pader pensionaa,
ghoo già saraa sù l’anta e sont malsan.
E me voeruren mò cred tant desperaa5
de pettamm tutt stì coss sul fabrian
per andà a toeulla contra soa Maistaa,
patron de la mia vitta e del mè pan?
Ghe fan on bell’onor a sto me ingegn
col supponel capazz de la vertù10
de vess baron fottuu fina a sto segn!
E se mai gh’hoo daa gust in quaj manera,
per mè compens no me specciava pù
che me credessen degn de andà in galera.