Poesie (Porta)/48 - Carlo Porta poetta Ambrosian
 |
Questo testo è completo. | |
Carlo Porta - Poesie (XIX secolo)
48 - Carlo Porta poetta Ambrosian
| ◄ | 47 - Mò sissignor, no gh'hoo vergogna a dill | 49 - Quand per i stravaganz de la stagion | ► |
Carlo Porta poetta Ambrosian
no vorend vess creduu per on balloss,
prima perché a sto mond el gh’ha quajcoss,
e poeù perché el gh’ha minga el coo balzan,
el protesta e el deciara a tutt Milan5
che tucc quij vers che gira e che dà adoss
a re, governa prenzep e pess gross
no hin farina fada col sò gran;
e però el prega quij cagazibett
che ogni bott el battezen autor10
a vess on freguin pussee discrett,
giacché, per scriv sti bozzer de cavall,
no l’è né on vis de cazz sul gust de lor,
né el gh’ha come i lumagh la cà suj spall.