Poesie (Porta)/3 - Sissignor! Saran fors anch
 |
Questo testo è completo. | |
Carlo Porta - Poesie (XIX secolo)
3 - Sissignor! Saran fors anch
| ◄ | 2 - Mè cugnaa l'Ambrosin quell candiron | 4 - Col boeucc avert e cont in aria el venter | ► |
Sissignor! Saran fors anch
quij fior bianch - che me disii,
ma per mì, sien bianch o scur,
l’è sicur - che sont servii:
saran fior, quest el capissi,5
ma quand pissi - vedi i stell,
saran fior, ma bona sira
quanti el tira - ahj el mè usell!
Saran fior, ma i mee camis
hin tutt lis - per el brusacc10
che gh’è dent in quella fotta
che pergotta - del pissacc.
Sissignora, saran fior,
ma el dottor - che me schizzetta
con pù el varda, pù el se intesta15
che l’è pesta - malarbetta;
ma per mì già impunemanch
sien fior bianch - o scolament
ve poss dì de galantomm
che del nomm - m’importa nient20
perché quand ghe disen roeusa
a la proeusa - di garon
la pò vess con tutt onor
anca on fior - la scolazion.