Poesie (Porta)/2 - Mè cugnaa l'Ambrosin quell candiron
 |
Questo testo è completo. | |
Carlo Porta - Poesie (XIX secolo)
2 - Mè cugnaa l'Ambrosin quell candiron
| ◄ | 1 - El sarà vera fors quell ch'el dis lu | 3 - Sissignor! Saran fors anch | ► |
Mè cugnaa l’Ambrosin quell candiron
ch’el pareva on salamm mal insaccaa
el te m’ha daa assabrutta on bell pianton
e l’è cors in castell a fass soldaa.
La piang la mamma, e la gh’ha ben reson,5
ché la mamma l’è quella che el l’ha faa:
so pader anca lu el fa el maccaron,
ma l’è semper so pà, sia bolgiraa!
Quell che me par a mì on poo stravagant
l’è a vedè i soeu fradij tutt magonent10
a piang, a sospirà, a casciass tant.
massem che foeura de sto stat che chì
no ghe n’è vun pù spicc al temp present
per fagh schivà l’incomed del spartì.