Poesie (Porta)/39 - Tas el mè Amor, guarna la berta in sen

39 - Tas el mè Amor, guarna la berta in sen

../38 - OLTER DESGRAZZI DE GIOVANNIN BONGEE ../40 - A MIA SUOCERA LA SIGNORA CAMILLA PREVOSTI IncludiIntestazione 27 settembre 2008 75% poesie

Carlo Porta - Poesie (XIX secolo)
39 - Tas el mè Amor, guarna la berta in sen
38 - OLTER DESGRAZZI DE GIOVANNIN BONGEE 40 - A MIA SUOCERA LA SIGNORA CAMILLA PREVOSTI

 
Tas el mè Amor, guarna la berta in sen,
e de quell che no gh’entret no t’en vanta,
che s’el s’è cott el Prenzep Pietrasanta
l’è che no l’ha poduu fà condemen.

E come nol doveva voregh ben5
a ona donnin che balla, e sonna, e canta,
e parla on lenguagg dolz che tocca e incanta,
e che l’è bella come on ciel seren?

Come no coeus per Donna Fulvietta,
quand deventen per lee vere real10
perfina i patanflann de nun poetta?

Sur sì: denanz al so cierin giovial
sponten i roeus, la ciappa el verd l’erbetta,
sfumen i nebbi e i vent pieghen sù i al,

e la proeuva badial15
de sti miracol l’è che in sto dì chì
ai ragg di soeu bellezz canti anca mì,

che l’è tant come dì
che in del bell mezz del frecc e di nevad
la riva fina a fà cantà i sciagad.20