Poesie (Porta)/146 - Sarev vegnuu sul lagh tant volentera
 |
Questo testo è completo. | |
Carlo Porta - Poesie (XIX secolo)
146 - Sarev vegnuu sul lagh tant volentera
| ◄ | 145 - AI VENEZIANI CHE DEL 1816 IMPLORARONO S. M. I. R. PER NON ESSERE DIPENDENTI DA MILANO | 147 - 1 - E che? Signori miei? Che vi credete? | ► |
Sarev vegnuu sul lagh tant volentera,
a god sti voster fest in allegria,
che se fuss staa perfina in capponera
avarev faa de tutt per vegnì via.
La volentaa par la mia part la gh’era,5
ché pari giust nassuu par spassamm via:
ma con la volentaa no gh’è manera,
senza l’ajutt di sold, da fà on mezz mia.
Sì, el mè Baldissarin, s’era in bolletta,
malattia ch’è semper stada in frega10
in chi se ciappa el spass de fà el poetta.
E aben par pocch de ché sia de stà lega
me tocca stà deslippa marcadetta,
perché tant fa chi ten che chi scortega.