Poesie (Porta)/13 - Lacrem stee indree... no sbottii foeura, nò!

13 - Lacrem stee indree... no sbottii foeura, nò!

../12 - Capissi anch mì sur professor Ronchett ../14 - BRINDES DE MENEGHIN ALL'OSTARIA IncludiIntestazione 27 settembre 2008 75% poesie

Carlo Porta - Poesie (XIX secolo)
13 - Lacrem stee indree... no sbottii foeura, nò!
12 - Capissi anch mì sur professor Ronchett 14 - BRINDES DE MENEGHIN ALL'OSTARIA

 
Lacrem stee indree... no sbottii foeura, nò!
Infin, s’el voeur andà sto sur Giovann
a somenà a Trevis i Tordorò,
ch’el resta pur servii, che l’è sò dann.

Piantà Milan per on Trevis? Ohibò!5
Ghe mancava in Milan di bej tosann
de fagh ona donzenna de poppò
tant e quant poden fagh i Trevisann?

Lacrem, lacrem stee indree per caritaa
perché quell so pientann l’è on cert indizzi10
ch’el gh’ha el pel in sul stomegh inscì faa;

e no me stupirev ch’el fuss capazz
de trovà in st’occasion de sposalizzi
i noster lacrem per lavass el cazz.